इलामबाट काठमाडौं जाँदै गरेको कार उदयपुरमा आगलागी

Share this
714shares
मुलुकी खबर
मुलुकी खबर
clock२०८२ असोज २७, सोमबार १३:४०
इलामबाट काठमाडौं जाँदै गरेको कार उदयपुरमा आगलागी

विराटनगर । मदन भण्डारी लोकमार्गअन्तर्गत उदयपुरको अँधेरीमा सोमबार बिहान एउटा कारमा अचानक आगलागी भएको छ । कारमा भएको आगलागीमा परेर एक जना बालक सामान्य घाइते भएका छन् ।

उदयपुरगढी गाउँपालिका–७ स्थित अँधेरीमा इलामबाट काठमाडौं जाँदै गरेको एउटा कारमा आज बिहान ९ : ५० बजेतिर अचानक आगलागी भएको उदयपुर प्रहरीका प्रवक्ता डीएसपी केदारमान दोङले जानकारी दिए ।

उनका अनुसार गुडिरहेको कारमा अचानक आगलागी हुँदा कारमा सबार एक जना बालक सामान्य घाइते भएका छन् ।

प्रेमकुमार सेन्चुरीले चलाएको बा ९ च ८६६८ नम्बरको कारमा उनकी श्रीमती र २ जना छोरा सवार रहेका थिए । कारमा सवार ४ जनामध्ये प्रेमकुमारका कान्छा छोरा ७ वर्षीय पारुलको एउटा खुट्टामा आगोले भेटेको हुँदा सामान्य घाइते भए भने अन्य कसैलाई केही नभएको प्रहरीले जनाएको छ । उनको उदयपुर जिल्ला अस्पतालमा उपचारपछि डिस्चार्ज भएको डीएसपी दोङले बताए ।

फोर्ड कम्पनीको पेट्रोलवाला कारमा इलामबाट काठमाडौं जाँदा गुडिरहेको कारमा अचानक आगलागी भएको प्रेमकुमारलाई उद्धृत गर्दै डीएसपी दोङले भने, ‘उहाँले कार कुदाइ रहेको समयमा अकस्मात् आगलागी भएको भन्नु भएको छ । कार आगलागीबाट मानवीय क्षति छैन भने कार जलेर पूर्ण रूपमा नष्ट भएको छ । घटना कसरी भयो भनेर थप अनुसन्धान अघि बढाएका छौँ ।’

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.