
काठमाडौं । गोरखाको चुमनुब्री गाउँपालिका–१ मा रहेको पाङबारी हिमालमा ५ दिनदेखि बेपत्ता २ जना इटाली आरोहीको शव आज (मंगलबार) भेटिएको छ ।
पाङबारी हिमालको पहिलो शिविरमा इटालीका ५१ वर्षीय फारोनातो स्तेफानो र २८ वर्षीय कापुतो अलेस्सान्द्रोको शव फेला परेको जिल्ला प्रहरी कार्यालय गोरखाले जनाएको छ ।
दुवै जनाको शव हिउँले पुरिएको अवस्थामा फेला परेको हो । प्रहरीका अनुसार आरोहीको शव हेलिकोप्टरमार्फत सामागाउँ पुर्याइएको छ ।























