अर्किड कलेजको वक्तृत्वकला प्रतियोगितामा अनुष दाहाल प्रथम

विराटनगर । विराटनगरको अर्किड कलेजले आयोजना गरेको वक्तृत्वकला प्रतियोगितामा अनुष दाहाल प्रथम भएका छन् ।

अन्तर्राष्ट्रिय विद्यार्थी दिवसको अवसरमा पारेर ‘आजका युवा पुस्तामा सामाजिक संजालको प्रभाव’ शीर्षकमा विद्यालय स्तरीय प्रतियोगिता आयोजना भएको थियो । प्रतियोगितामा अनुष दाहाल प्रथम, सत्येन्द्र यादव दोस्रो र शिवकुमार साह तेस्रो भएका हुन् ।

Advertisement

प्रतियोगितामा कक्षा ११ र १२ मा अध्ययनरत २० भन्दा बढी विद्यार्थीले सहभागिता जनाएका थिए ।

प्रतियोगिताको निर्णायकमा प्राध्यापकहरू सन्तोष अधिकारी, विकास खड्का र विद्या अधिकारी रहेका थिए । विजयी विद्यार्थीलाई कलेजका प्रिन्सिपल मनिष भट्टराई , निर्देशक दिपेश बास्तोला र राजन दत्तले पुरस्कार वितरण गरे ।

तुलसी घिमिरेले कार्यक्रम सञ्चालन गरेको कार्यक्रममा गजेन्द्र पण्डित, कलेजका अध्यक्ष अमित ढकाल, प्रिन्सिपल मनिष भट्टराई, निर्देशक दिपेश बास्तोला, राजन दत्तलगायतको उपस्थिति थियो ।