‘मृतकको नाममा मतदान रोक्न आयोग सचेत’

Share this
667shares
मुलुकी खबर
मुलुकी खबर
clock२०८२ फागुन १३, बुधबार १७:२१

काठमाडौं। निर्वाचन आयोगले मतदाता नामावलीमा रहेका तर मृत्यु भइसकेका व्यक्तिको नाममा हुनसक्ने अवाञ्छित मतदान रोक्न आफू पूर्ण रूपमा सचेत रहेको बताएको छ। आयोगद्वारा सञ्चालित ‘कल सेन्टर’ मा सर्वसाधारणले मृतकको नामको दुरुपयोग हुनसक्ने भन्दै राखेको जिज्ञासाको जवाफ दिँदै आयोगले यस्तो स्पष्ट पारेको हो।

आयोगका अनुसार मतदाता नामावली अन्तिम रूपमा छापिनुअघि मृत्यु भएको सूचना प्राप्त भएका सबै व्यक्तिको नाम हटाइसकिएको छ। यद्यपि सूचना प्राप्त नभएका वा नामावली प्रकाशन भएपछि मृत्यु भएका व्यक्तिको नाम भने सूचीमा रहन सक्छ। यस्तो अवस्थामा हुने सम्भावित दुरुपयोग रोक्न आयोगले विशेष सुरक्षा संयन्त्र अपनाएको छ।

कसरी रोकिन्छ दुरुपयोग?

आयोगले मृतक वा अन्य व्यक्तिको नाममा मतदान हुन नदिन विभिन्न उपायहरू अपनाएको छ। हरेक मतदान केन्द्रमा फोटोसहितको रंगिन मतदाता नामावली पठाइएको छ। मतदान अधिकृतले मतपत्र दिनुअघि मतदाताको फोटो, परिचयपत्र र अनुहार भिडाएर मात्र प्रक्रिया अघि बढाउँछन्।

मतदान केन्द्रमा खटिएका सुरक्षाकर्मीले शङ्कास्पद गतिविधिको निगरानी गर्छन् र फर्जी मतदानको प्रयास भएमा तत्काल नियन्त्रणमा लिन्छन्। साथै विभिन्न राजनीतिक दलका मतदान प्रतिनिधिहरूले मतदाताको पहिचान गर्ने र गलत मान्छे आएमा तत्काल विरोध गर्ने अधिकार राख्छन्।

आयोगले निर्वाचनसम्बन्धी कुनै पनि अलमल वा जिज्ञासा भएमा नि:शुल्क टोल-फ्री नम्बर ११०२ मा कल गरेर जानकारी लिन सकिने समेत जानकारी दिएको छ। यी संयन्त्रका कारण मृतकको नाममा मतदान हुने सम्भावना नरहेको आयोगको दाबी छ।

तपाइको प्रतिक्रिया
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
पटकाको बारुद चुलोमा हाल्दा जलेर सुनसरीका बालक घाइते
अस्पतालको आशामा जग्गा दिए, नबनेपछि मुख्यमन्त्री कार्यालय अगाडि आमरण अनशन
भुटानी शरणार्थी र राजनीतिक बन्दीको विषय उठाउन आग्रह
भन्सार छली सुन लैजान खोज्ने चिनियाँ नागरिक पक्राउ
खराब मौसमले विराटनगरका बिहानका सबै उडान रद्द, सयौँ यात्रु प्रभावित
© 2024 Muluki Khabar. All Rights Reserved. Design & Develop By: Indesign Media Pvt. Ltd.