हुलाकी राजमार्ग: १६ वर्षमा ७४ प्रतिशत मात्र प्रगति

Share this
701shares
मुलुकी खबर
मुलुकी खबर
clock२०८२ फागुन १४, बिहीबार १४:३९

काठमाडौं । राष्ट्रिय गौरवको हुलाकी राजमार्ग निर्माण सुरु भएको १६ वर्ष पुग्दा पनि यसको भौतिक प्रगति ७४.३५ प्रतिशत मात्र सीमित भएको छ । आर्थिक वर्ष २०६६/६७ बाट निर्माण थालिएको यो आयोजना बजेट अभाव, नीतिगत ढिलाइ र ठेक्का व्यवस्थापनमा देखिएका समस्याका कारण अलपत्र परेको हो ।

झापाको केचनाकवलदेखि कञ्चनपुरको दोधारा चाँदनीसम्म तराईका २१ जिल्ला जोड्ने यस राजमार्गको कूल दूरी १ हजार ८ सय ५७ किलोमिटर रहेको छ । हालसम्म १ हजार ३ सय ८० किलोमिटर सडक कालोपत्र भएको छ भने ३ सय वटा पुल निर्माण गर्नुपर्नेमा १५३ वटा मात्र सम्पन्न भएका छन् । आयोजनाको सुरुवाती लागत ४७ अर्ब रुपैयाँ अनुमान गरिए पनि समयमै काम नसकिँदा संशोधित लागत १ खर्ब १ अर्ब ९३ करोड रुपैयाँ पुगेको छ । हालसम्म ७१ अर्ब ५५ करोड रुपैयाँ खर्च भइसकेको छ ।

विशेष गरी झापाको कन्काई र सिरहा–धनुषा जोड्ने कमला नदीको पुल निर्माणमा भएको ढिलाइले स्थानीयले ठूलो सास्ती खेपिरहेका छन् । १४ वर्षदेखि अलपत्र कन्काई पुलको ठेक्का गत मंसिरमा तोडिए पनि नयाँ ठेक्का प्रक्रिया अझै सुरु हुन सकेको छैन । यस्तै, कमला नदीको पुल निर्माण सम्पन्न हुने चरणमा रहँदा २०७८ को बाढीले जग भासिएपछि पुनः निर्माणको पर्खाइमा छ । आयोजनाका निर्देशक कुवेर नेपालीका अनुसार अब सबै काम सक्न थप २७ अर्ब रुपैयाँ आवश्यक पर्नेछ, तर अर्थ मन्त्रालयबाट स्रोत सुनिश्चितता हुन बाँकी छ ।

चितवन राष्ट्रिय निकुञ्ज, कपिलवस्तु र दाङको वन क्षेत्रमा अझै सडकको रेखाङ्कन र ठेक्का हुन बाँकी छ । २०७४/७५ मै सम्पन्न गर्ने लक्ष्य राखिएको यो आयोजनाको म्याद पछिल्लो पटक २०८३/८४ सम्म थपिएको छ । तर, बजेटको सुनिश्चितता र तोडिएका ठेक्काको व्यवस्थापन समयमै नभए यो लक्ष्य भेट्न पनि चुनौतीपूर्ण देखिएको छ ।

तपाइको प्रतिक्रिया
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
पटकाको बारुद चुलोमा हाल्दा जलेर सुनसरीका बालक घाइते
अस्पतालको आशामा जग्गा दिए, नबनेपछि मुख्यमन्त्री कार्यालय अगाडि आमरण अनशन
भुटानी शरणार्थी र राजनीतिक बन्दीको विषय उठाउन आग्रह
भन्सार छली सुन लैजान खोज्ने चिनियाँ नागरिक पक्राउ
© 2024 Muluki Khabar. All Rights Reserved. Design & Develop By: Indesign Media Pvt. Ltd.