उम्मेदवार र परिवारको बैंक खातामाथि निर्वाचन आयोगको निगरानी

Share this
738shares
मुलुकी खबर
मुलुकी खबर
clock२०८२ फागुन १५, शुक्रबार ११:१३

काठमाडौं। निर्वाचन आयोगले प्रतिनिधि सभा सदस्य निर्वाचनका उम्मेदवार तथा उनीहरूका एकाघरका परिवार सदस्यहरूको बैंक खातामाथि निगरानी सुरु गरेको छ। निर्वाचन खर्च अनिवार्य रूपमा बैंकिङ प्रणालीमार्फत गर्नुपर्ने व्यवस्थालाई बेवास्ता गर्दै अधिकांश उम्मेदवारले बैंक बाहिरबाटै खर्च गरेको पाइएपछि आयोगले यस्तो कदम चालेको हो।

निर्वाचन खर्चलाई पारदर्शी र व्यवस्थित बनाउन आयोगले आचारसंहितामै बैंक खातामार्फत मात्र खर्च गर्नुपर्ने प्रावधान राखेको थियो। राजनीतिक दल र उम्मेदवारलाई पटक–पटक सचेत गराइए पनि अपेक्षित पालना नभएपछि प्रचारप्रसार अवधिभर उम्मेदवारसँगै उनीहरूको परिवारका सदस्यहरूको बैंक कारोबारसमेत निगरानीमा राखिएको जनाइएको छ।

शुक्रबार सञ्चारकर्मीसँग कुरा गर्दै केन्द्रीय निर्वाचन आचारसंहिता तथा अनुगमन समितिका संयोजकसमेत रहेका आयुक्त सगुन शमशेर जबराले बैंकिङ प्रणाली बाहिरबाट खर्च गर्ने उम्मेदवारलाई निर्वाचन आचारसंहिता उल्लंघन गरेको आधारमा प्रचलित कानुनअनुसार कारबाही गरिने स्पष्ट पारे। उनले उम्मेदवारको चुनावी खर्चको अनुगमन जिल्लास्थित कोष तथा लेखा नियन्त्रण कार्यालयमार्फत भइरहेको जानकारी दिए।

आयुक्त जबराले आचारसंहिताको पूर्ण पालना गर्दै निर्वाचनलाई स्वच्छ, निष्पक्ष र भयरहित वातावरणमा सम्पन्न गर्न सबै पक्षलाई सहयोग गर्न आह्वानसमेत गरेका छन्।

तपाइको प्रतिक्रिया
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
पटकाको बारुद चुलोमा हाल्दा जलेर सुनसरीका बालक घाइते
अस्पतालको आशामा जग्गा दिए, नबनेपछि मुख्यमन्त्री कार्यालय अगाडि आमरण अनशन
भुटानी शरणार्थी र राजनीतिक बन्दीको विषय उठाउन आग्रह
© 2024 Muluki Khabar. All Rights Reserved. Design & Develop By: Indesign Media Pvt. Ltd.