विराटनगरबाट चिमडी जाँदै गरेको ट्रकले ठक्कर दिँदा किशोरको मृत्यु, दुई जना घाइते

Share this
810shares
मुलुकी खबर
मुलुकी खबर
clock२०८२ फागुन १८, सोमबार ०७:१४

विराटनगर । विराटनगरबाट सुनसरीको चिमडीतर्फ जाँदै गरेको ट्रकले तीन जना सवार मोटरसाइकललाई ठक्कर दिँदा एक जना किशोरको मृत्यु भएको छ । मोटरसाइकलमा सवार अन्य दुई जना घाइते भएका छन् ।

प्रहरीका अनुसार हुलाकी राजमार्गअन्तर्गत सुनसरीको बर्जु गाउँपालिका–१ शुक्रबारेमा आइतबार साँझ ७ः३० बजेतिर दुर्घटना भएको हो । विराटनगरबाट चिमडीतर्फ जाँदै गरेको ना ६ ख २२५६ नम्बरको ट्रकले विपरीत दिशाबाट आउँदै गरेको को ३१ प ५५४३ नम्बरको मोटरसाइकललाई ठक्कर दिएको थियो ।

दुर्घटनामा परेर मोटरसाइकलमा सवार सुनसरीको इनरुवा नगरपालिका–१० का १६ वर्षीय कुन्दन पौदारको मृत्यु भएको सुनसरी प्रहरीका प्रवक्ता डीएसपी चन्द्रबहादुर खड्काले बताए । उनका अनुसार दुर्घटनामा परेर गम्भीर घाइते भएका पौदारलाई उपचारका लागि विराटनगरको कोशी अस्पताल पुर्याउनसाथ चिकित्सकले मृत घोषित गरिदिएका हुन् ।

मोटरसाइकलमा सवार इनरुवा–१० का अन्दाजी ४५ वर्षीय महानन्द पौदार र अन्दाजी २० वर्षीय सन्तोष मेहता घाइते भएका छन् । घाइतेमध्ये महानन्दको अवस्था गम्भीर छ । दुवै घाइतेको विराटनगरस्थित नोबेल शिक्षण अस्पतालमा उपचार भइरहेको डीएसपी खड्काले बताए ।

प्रहरीका अनुसार दुर्घटनामा परेका बेला मोटरसाइकल कसले चलाएको थियो भन्ने यकिन भइसकेको छैन । प्रहरीले ट्रक र चालक सप्तरीको तिरहुत गाउँपालिका–५ का अन्दाजी ३३ वर्षीय विनोदकुमार मेहतालाई नियन्त्रणमा लिएर घटनाको अनुसन्धान सुरु गरेको छ ।

प्रहरीका अनुसार तीन जना सवार मोटरसाइकलको तीव्र गति तथा ट्रक चालकको असावधानीका कारण दुर्घटना भएको पाइएको छ । मोटरसाइकलमा तीन जना यात्रा गर्न नपाइने कानुनी व्यवस्था छ ।

तपाइको प्रतिक्रिया
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
पटकाको बारुद चुलोमा हाल्दा जलेर सुनसरीका बालक घाइते
अस्पतालको आशामा जग्गा दिए, नबनेपछि मुख्यमन्त्री कार्यालय अगाडि आमरण अनशन
भुटानी शरणार्थी र राजनीतिक बन्दीको विषय उठाउन आग्रह
भन्सार छली सुन लैजान खोज्ने चिनियाँ नागरिक पक्राउ
© 2024 Muluki Khabar. All Rights Reserved. Design & Develop By: Indesign Media Pvt. Ltd.