
काठमाडौं । बिहीबार हुने प्रतिनिधिसभा निर्वाचनमा सहभागीता जनाउन ८ लाख बढी नागरिकले काठमाडौं छाडेका छन् । अन्य जिल्लाबाट रोजगारी र अन्य कामले काठमाडौं उपत्यका बस्दै आएका ८ लाख ८४ हजारभन्दा बढी नागरिकले उपत्यका छाडेका हुन् । उनीहरु मतदानका लागि आफ्नो क्षेत्र पुगेका छन् ।
काठमाडौं उपत्यका ट्राफिक प्रहरी कार्यालय, रामशाहपथका अनुसार फागुन १ गतेदेखि २० गते बिहानसम्म ८ लाख ८४ हजार ९५ यात्रुले उपत्यका छाडेका छन् । बुधबार दिउँसाे पनि बाहिरिने क्रम जारी छ ।

























