मोरङमा दिउँसो ३ बजेसम्म ४४.८२ प्रतिशत मतदान

Share this
697shares
मुलुकी खबर
मुलुकी खबर
clock२०८२ फागुन २१, बिहीबार १५:१६

विराटनगर । प्रतिनिधि सभा सदस्य निर्वाचन २०८२ अन्तर्गत मोरङ जिल्लामा दिउँसो ३ बजेसम्म ४४.८२ प्रतिशत मतदान सम्पन्न भएको छ। जिल्ला निर्वाचन कार्यालयले उपलब्ध गराएको पछिल्लो तथ्याङ्क अनुसार जिल्लाभरका सबै ६ वटा निर्वाचन क्षेत्रमा मतदान प्रक्रिया उत्साहजनक रूपमा अघि बढिरहेको छ।

दिउँसो ३ बजेसम्मको विवरण अनुसार मोरङ क्षेत्र नम्बर ५ मा सबैभन्दा बढी ५०.९९ प्रतिशत मत खसेको छ। अन्य क्षेत्रहरूको अवस्था हेर्दा क्षेत्र नम्बर १ मा ४८.८५ प्रतिशत, क्षेत्र नम्बर २ मा ४४.६० प्रतिशत, क्षेत्र नम्बर ३ मा ४२.८२ प्रतिशत, क्षेत्र नम्बर ४ मा ४२.२२ प्रतिशत र क्षेत्र नम्बर ६ मा ४१.७४ प्रतिशत मतदान भएको छ।

जिल्लाभरका कुल ८८८ मतदान केन्द्रहरूमा हालसम्म ३ लाख ५० हजार ९३६ मतदाताले आफ्नो मताधिकार प्रयोग गरिसकेका छन्। जसमा १ लाख ७१ हजार ८८८ पुरुष र १ लाख ७९ हजार ४८ महिला मतदाता रहेका छन्। बिहानको तुलनामा दिउँसो मतदाताको उपस्थिति निकै बाक्लो देखिएको छ।

यसअघि बिहान ७ बजेदेखि सुरु भएको मतदानमा दिउँसो १ बजेसम्म २९.५५ प्रतिशत मात्र मत खसेको थियो। पछिल्लो दुई घण्टामा मतदानको दरमा उल्लेख्य वृद्धि भएको देखिन्छ। निर्वाचन आयोगले साँझ ५ बजेसम्म मतदानको समय तोकेकाले जिल्लाभर खस्ने कुल मतको प्रतिशत अझै बढ्ने अनुमान गरिएको छ।

प्रतिनिधि सभाका २७५ सिटका लागि देशभर भइरहेको यस निर्वाचनमा मोरङका ६ वटा निर्वाचन क्षेत्रलाई निकै महत्त्वका साथ हेरिएको छ। जिल्लाका सबै मतदान केन्द्रमा सुरक्षा व्यवस्था कडा पारिएको छ र मतदान प्रक्रिया शान्तिपूर्ण रूपमा जारी छ।

तपाइको प्रतिक्रिया
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
पटकाको बारुद चुलोमा हाल्दा जलेर सुनसरीका बालक घाइते
अस्पतालको आशामा जग्गा दिए, नबनेपछि मुख्यमन्त्री कार्यालय अगाडि आमरण अनशन
भुटानी शरणार्थी र राजनीतिक बन्दीको विषय उठाउन आग्रह
भन्सार छली सुन लैजान खोज्ने चिनियाँ नागरिक पक्राउ
© 2024 Muluki Khabar. All Rights Reserved. Design & Develop By: Indesign Media Pvt. Ltd.