मोरङमा ६४.५६ प्रतिशत मतदान, कुन क्षेत्रमा कति ?

Share this
752shares
मुलुकी खबर
मुलुकी खबर
clock२०८२ फागुन २१, बिहीबार १९:५८

विराटनगर । ६ वटा निर्वाचन क्षेत्र रहेको मोरङमा बिहीबार ६४.५६ प्रतिशत मतदान भएको छ । मोरङमा ५ लाख ५ हजार ५ सय १४ मत खसेको छ ।

मोरङका ७ लाख ८३ हजार ५० मतदातामध्ये २ लाख ४३ हजार ३ सय १६ पुरुष, २ लाख ६२ हजार १ सय ९६ महिला र अन्य २ जनाले मताधिकारको प्रयोग गरेका छन् । २ लाख ७७ हजार ५ सय ३६ जना मतदाता मतदान प्रक्रियामा सहभागी भएनन् ।

मोरङको निर्वाचन क्षेत्र नम्बर १ मा ७७ हजार ५ सय ८५ मत खसेको छ । यो ६० दशमलव ३६ प्रतिशत हो । मोरङ–२ मा ८१ हजार ३ सय ४५ (६२.९७ प्रतिशत), ३ मा ९६ हजार ६ सय ७७ (६१.१७ प्रतिशत), ४ मा ८० हजार ८४ (६७.१५ प्रतिशत), ५ मा ७५ हजार ५ सय २९ (७१.२८ प्रतिशत) र मोरङ–६ मा ९१ हजार २ सय ९२ (६६.२३ प्रतिशत) मत खसेको छ ।

मोरङमा ३ सय ६ वटा मतदानस्थल र ८ सय ८८ मतदान केन्द्र कायम गरिएको थियो । २ वटा अस्थायी मतदानस्थल तोकिएको थियो ।

मोरङका प्रमुख जिल्ला अधिकारी युवराज कटेलले कुनै पनि अवरोध बिना शान्तिपूर्ण रुपमा मतदान सम्पन्न भएको बताए । उनले मतदान सफल बनाउन सहयोग गर्ने कर्मचारी, सुरक्षाकर्मी र आम नागरिकलाई विशेष धन्यवाद दिएका छन् ।

मोरङमा मतगणनाका लागि छुट्टाछुट्टै मतगणनास्थल तयार गरिएको छ । मुख्य निर्वाचन अधिकृतको कार्यालयका अनुसार सर्वदलीय सहमतिपछि गणना सुरु गरिनेछ ।

जिल्लाका ६ वटा क्षेत्रका लागि छुट्टाछुट्टै स्थानमा मतगणनास्थल तोकिएको छ । मोरङ–१ को उर्लाबारी नगरपालिकाको कार्यालय, २ को विश्वनाथ मन्दिर सिजुवा, ३ को भगवती माध्यमिक विद्यालय बेलबारी, ४ को जनता नमुना माध्यमिक विद्यालय विराटनगर, ५ को सुनसरी–मोरङ सिँचाइ आयोजनाको कार्यालय विराटनगर र मोरङ–६ को आदर्श माध्यमिक विद्यालय विराटनगरमा मतगणना हुने छ ।

प्रजिअ कटेलका अनुसार मतगणना कार्यलाई पारदर्शी र सुरक्षित बनाउन तारजाली लगाएर निर्माण गरिएको गणनास्थल सीसी क्यामेराको निगरानीमा छ । मतगणनाका अघि सर्वदलीय सहमति जुटाइने उनले बताए ।

तपाइको प्रतिक्रिया
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
पटकाको बारुद चुलोमा हाल्दा जलेर सुनसरीका बालक घाइते
अस्पतालको आशामा जग्गा दिए, नबनेपछि मुख्यमन्त्री कार्यालय अगाडि आमरण अनशन
भुटानी शरणार्थी र राजनीतिक बन्दीको विषय उठाउन आग्रह
भन्सार छली सुन लैजान खोज्ने चिनियाँ नागरिक पक्राउ
खराब मौसमले विराटनगरका बिहानका सबै उडान रद्द, सयौँ यात्रु प्रभावित
© 2024 Muluki Khabar. All Rights Reserved. Design & Develop By: Indesign Media Pvt. Ltd.