
विराटनगर। मोरङ क्षेत्र नम्बर ३ मा प्रतिनिधिसभा निर्वाचनको मतगणना सुरु भएसँगै रोचक परिणाम बाहिर आएको छ।
प्रारम्भिक ५ सय मतको गणना सकिँदा धरानका पूर्वमेयर हर्क साम्पाङ नेतृत्वको श्रम संस्कृति पार्टीले अग्रता लिएको निर्वाचन अधिकृतको कार्यालयले जनाएको छ।
श्रम संस्कृति पार्टीका उम्मेदवार अमिर मगर २ सय १८ मतका साथ पहिलो स्थानमा छन्। उनलाई नेपाली कांग्रेसका सुनिल शर्माले १ सय १९ मतका साथ पछ्याइरहेका छन्।
त्यस्तै राष्ट्रिय स्वतन्त्र पार्टी (रास्वपा) का गणेश कार्की १ सय १६ मतसहित तेस्रो स्थानमा छन् भने नेकपा (एमाले) का उम्मेदवारले २८ मत मात्र प्राप्त गरेका छन्।
यो क्षेत्रमा त्रिपक्षीय भिडन्त हुने अनुमान गरिए पनि श्रम संस्कृति पार्टीको सुरुवाती अग्रताले सबैलाई अचम्मित पारेको छ।
मोरङका अन्य क्षेत्रहरूमा पनि मतगणनाको तयारी भइरहेको र केही बेरमा थप परिणामहरू आउने अपेक्षा गरिएको छ।
























