तत्कालीन प्रधानमन्त्री ओली र गृहमन्त्री लेखकलाई कारबाहीको सिफारिस

Share this
745shares
मुलुकी खबर
मुलुकी खबर
clock२०८२ फागुन २४, आइतबार १६:१३

काठमाडौं । गत भदौ २३ र २४ गते भएको ‘जेनजी’ प्रदर्शनका क्रममा भएको मानवीय क्षति र बल प्रयोगबारे छानबिन गर्न गठित उच्चस्तरीय जाँचबुझ आयोगले आफ्नो प्रतिवेदन सरकारलाई बुझाएको छ ।

पूर्व न्यायाधीश गौरीबहादुर कार्की नेतृत्वको आयोगले आइतबार प्रधानमन्त्री सुशीला कार्कीलाई ९ सयभन्दा बढी पृष्ठको विस्तृत प्रतिवेदन हस्तान्तरण गरेको हो ।

प्रतिवेदनमा भदौ २३ को प्रदर्शनका क्रममा नयाँ बानेश्वरमा प्रहरीको गोली लागेर २१ जनाको ज्यान गएको घटनामा तत्कालीन प्रधानमन्त्री केपी शर्मा ओली र तत्कालीन गृहमन्त्री रमेश लेखकलाई मुख्य जिम्मेवार ठहर गर्दै फौजदारी कानुन अनुसार कारबाही अघि बढाउन सिफारिस गरिएको छ ।

आयोगले तत्कालीन जिल्ला सुरक्षा समिति काठमाडौँका पदाधिकारी, प्रमुख जिल्ला अधिकारी छविलाल रिजाल र प्रहरी महानिरीक्षक चन्द्रकुवेर खापुङलाई समेत दोषी देखाउँदै कारबाहीको दायरामा ल्याउन सुझाव दिएको छ । फिल्डमा खटिएका अधिकृतहरूका अनुसार आईजीपी खापुङले सञ्चार सेटमार्फत गोली चलाउन आदेश दिएको र प्रजिअ रिजालले त्यसको स्वीकृति दिएको प्रतिवेदनमा उल्लेख छ ।

आयोगले भदौ २४ मा भएको आगजनी, तोडफोड र लुटपाटमा संलग्न आरोपीहरूलाई पनि पहिचान गरी संगठित अपराध र ज्यान मार्ने उद्योगको कसुरमा अभियोजन गर्न सिफारिस गरेको छ । सरकार र आन्दोलनकारी पक्षबीच गत मंसिर २४ गते भएको १० बुँदे सम्झौता बमोजिम आयोगले बिना भेदभाव छानबिन गरी दोषीहरूलाई कारबाहीको सिफारिस गरेको सदस्य एवं पूर्व एआईजी विज्ञानराज शर्माले बताए । उनले गल्ती गर्ने जोकोहीलाई पनि नछोडिने स्पष्ट पारेका छन् ।

जेनजी प्रदर्शनका क्रममा ७६ जनाको मृत्यु भएको थियो भने नयाँ बानेश्वर घटनामा मात्रै २१ जनाले ज्यान गुमाएका थिए । मृतकहरूमा बुद्धिबहादुर तामाङ, सन्तोष विक, सुलभराज श्रेष्ठलगायतका प्रदर्शनकारीहरू र १० जना कैदीबन्दी तथा बालबन्दीहरू रहेका छन् ।

प्रतिवेदनले ती घटनाहरूमा अत्यधिक बल प्रयोग भएको निष्कर्ष निकाल्दै दोषी सुरक्षा अधिकारी र राजनीतिक नेतृत्वलाई मुलुकी अपराध संहिता–२०७४ अनुसार कारबाही गर्न सरकारलाई मार्गप्रशस्त गरिदिएको छ ।

तपाइको प्रतिक्रिया
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
पटकाको बारुद चुलोमा हाल्दा जलेर सुनसरीका बालक घाइते
अस्पतालको आशामा जग्गा दिए, नबनेपछि मुख्यमन्त्री कार्यालय अगाडि आमरण अनशन
भुटानी शरणार्थी र राजनीतिक बन्दीको विषय उठाउन आग्रह
भन्सार छली सुन लैजान खोज्ने चिनियाँ नागरिक पक्राउ
खराब मौसमले विराटनगरका बिहानका सबै उडान रद्द, सयौँ यात्रु प्रभावित
© 2024 Muluki Khabar. All Rights Reserved. Design & Develop By: Indesign Media Pvt. Ltd.