
काठमाडौं। राष्ट्रियसभाका नवनिर्वाचित १८ सदस्यले आज पद तथा गोपनीयताको शपथ ग्रहण गरेका छन्। सिंहदरबारस्थित कानुन, न्याय तथा मानवअधिकार समितिको हलमा आयोजित एक समारोहका बीच रिक्त रहेका पदमा चुनिएका सदस्यहरूले शपथ लिएका हुन्।
कोशी प्रदेशबाट रोश्नी मेचे, सोमनाथ पोर्तेल र सुनिलबहादुर थापाले शपथ लिएका छन्। मधेस प्रदेशबाट रेखाकुमारी झा, धर्मेन्द्र पासवान, रन्जित कर्ण र महन्थ ठाकुरले कार्यभार सम्हालेका छन्।
बागमती प्रदेशबाट गीता देवकाटा र प्रेमप्रसाद दङ्गाल तथा गण्डकी प्रदेशबाट जगत तिमिल्सिना र सम्झना देवकोटाले शपथ लिएका छन्। लुम्बिनी प्रदेशबाट रामकुमारी झाँक्री, चन्द्रबहादुर केसी र वासुदेव घिमिरेले नयाँ सदस्यका रूपमा सपथ लिएका हुन्।
कर्णाली प्रदेशबाट मीनासिंह रखाल र ललितजङ्ग शाही तथा सुदूरपश्चिमबाट लीलाकुमारी भण्डारी र खम्मबहादुर खातीले राष्ट्रियसभा सदस्यको रूपमा शपथ ग्रहण गरेको जानकारी दिइएको छ।

























