मोरङमा मत बदर बढ्दै : प्रत्यक्षतर्फ ७.१८ प्रतिशत

Share this
735shares
मुलुकी खबर
मुलुकी खबर
clock२०८२ फागुन २५, सोमबार २०:३८

विराटनगर । मोरङमा मत बदर हुने क्रम बढेको छ । पछिल्ला चारवटा निर्वाचनको विश्लेषण गर्दा मत बदर प्रतिशत बढेको हो ।

मत बदर बढ्दै गएको तथ्यांकले चिन्ता बढाएको छ । २०७० को दोस्रो संविधानसभा निर्वाचनदेखि २०७४, २०७९ र २०८२ को प्रतिनिधिसभा निर्वाचनसम्म बदर मत क्रमशः ६.२५, ५.३, ५.९५ र ७.१८ प्रतिशत छ ।

मोरङमा २०७४ सालको निर्वाचनयता मत बदर हुने क्रम लगातार बढिरहेको छ । फागुन २१ गते सम्पन्न प्रतिनिधिसभा सदस्य निर्वाचनमा भएको मत बदरको प्रतिशत झन् चिन्ताजनक छ ।

७ लाख ८३ हजार ५० मतदाता रहेको मोरङमा बिहीबार सम्पन्न निर्वाचनमा प्रत्यक्षतर्फ ५ लाख २ हजार ६६४ मत खसेको थियो । मुख्य निर्वाचन अधिकृतको कार्यालयका अनुसार खसेकोमध्ये ३६ हजार १०९ मत बदर भएको छ । समग्रमा बदर मत प्रतिशत ७.१८ रहेको हो ।

मोरङमा समानुपातिकतर्फ ५ लाख ५ हजार ६८ मत खसेको थियो । यसमा २८ हजार ४९९ मत बदर भएको छ । समानुपातिकतर्फको बदर मत प्रतिशत ५.६४ छ ।

मोरङमा प्रतिनिधिसभातर्फ ६ वटा निर्वाचन क्षेत्र छन् । क्षेत्र नम्बर १ मा खसेको ७६ हजार ३७९ मतमध्ये ४ हजार ४१७, २ मा ८० हजार ६५९ मतमध्ये ६ हजार ५६, ३ मा ९६ हजार २८३ मतमध्ये ६ हजार ८२७, ४ मा ७९ हजार ७७५ मतमध्ये ५ हजार २५६, ५ मा ७८ हजार ४४९ मतमध्ये ७ हजार ८८९ र क्षेत्र नम्बर ६ मा खसेको ९१ हजार ११९ मतमध्ये ५ हजार ६६४ मत बदर भएको मुख्य निर्वाचन अधिकृतको कार्यालयले जनाएको छ ।

निर्वाचनको पर्यवेक्षण गर्दै आएको मानव अधिकारवादी संस्था अनौपचारिक क्षेत्र सेवा केन्द्र इन्सेक कोशी प्रदेशका प्रलेख अधिकृत पुन्य पी अधिकारीले मत बदर बढ्नु सकारात्मक संकेत नभएको बताए । उनी भन्छन्, ‘मतदाता शिक्षा प्रभावकारी नहुनु र राजनीतिक दलहरुले पनि ध्यान नदिनुले मत बदर बढेको देखिन्छ ।’ उनले आगामी निर्वाचनमा मत बदर घटाउनेतिर निर्वाचन आयोगले ध्यान दिनुपर्ने अधिकारीको भनाइ छ ।

सूचनाको हकका अभियन्ता राजु श्रेष्ठ मत बदर बढ्दा निर्वाचन आयोगले सञ्चालन गरेको मतदाता शिक्षा कार्यक्रमको प्रभावकारितामाथि प्रश्न उठेको बताउँछन् । ‘मतदान प्रक्रियाका बारेमा पर्याप्त जानकारी नपुग्दा मतदाताले त्रुटि गरिरहेका छन् । विशेषगरी ग्रामीण क्षेत्र, पहिलो पटक मतदान गर्ने र वृद्ध मतदातामा यो समस्या बढी देखिन्छ,’ उनले भने ।

मतदानको महत्त्वपूर्ण प्रक्रियामा सहभागी हुँदा मतदाताले प्रक्रिया राम्ररी बुझ्नुपर्ने श्रेष्ठको भनाइ छ । मतपेटिकामा मतपत्र हाल्नुअघि के गर्ने र के नगर्ने भन्ने पर्याप्त जानकारी नदिँदा अनपेक्षित रूपमा मत बदर हुने गरेको उनी बताउँछन् । मोरङमा बढ्दो मत बदरले आगामी निर्वाचनमा मतदाता शिक्षा कार्यक्रमलाई अझ प्रभावकारी बनाउनुपर्ने आवश्यकता देखिएको अभियन्ता श्रेष्ठले बताए ।

तपाइको प्रतिक्रिया
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
पटकाको बारुद चुलोमा हाल्दा जलेर सुनसरीका बालक घाइते
अस्पतालको आशामा जग्गा दिए, नबनेपछि मुख्यमन्त्री कार्यालय अगाडि आमरण अनशन
भुटानी शरणार्थी र राजनीतिक बन्दीको विषय उठाउन आग्रह
भन्सार छली सुन लैजान खोज्ने चिनियाँ नागरिक पक्राउ
© 2024 Muluki Khabar. All Rights Reserved. Design & Develop By: Indesign Media Pvt. Ltd.