समानुपातिक मतगणना अन्तिम चरणमा

Share this
669shares
मुलुकी खबर
मुलुकी खबर
clock२०८२ फागुन २७, बुधबार १०:३७

काठमाडौं । प्रतिनिधिसभा निर्वाचनको समानुपातिकतर्फको मतगणना अब अन्तिम चरणमा पुगेको छ । निर्वाचन आयोगका अनुसार इलाम–१ र गोरखा–१ को गणना सकिएसँगै समानुपातिकतर्फको सबै नतिजा सार्वजनिक हुनेछ ।

आयोगका प्रवक्ता नारायणप्रसाद भट्टराईले यी दुई क्षेत्रको गणना केही बेरमा सकिने जानकारी दिए । हालसम्मको परिणाम अनुसार प्रत्यक्षतर्फ १२५ सिट जितेर ऐतिहासिक सफलता पाएको राष्ट्रिय स्वतन्त्र पार्टी (रास्वपा) ले समानुपातिकमा पनि ५१ लाख ३६ हजार ६७४ मतसहित ठूलो अग्रता कायम गरेको छ ।

प्रत्यक्षतर्फ १८ सिटमा चित्त बुझाएको नेपाली कांग्रेसले समानुपातिकमा १७ लाख ४८ हजार ३३६ मत प्राप्त गरेको छ । त्यस्तै, प्रत्यक्षमा ९ सिटमा झरेको नेकपा एमालेले १४ लाख ४८ हजार ४१२ मत पाएको आयोगले जनाएको छ । प्रत्यक्षतर्फ सात सिट जितेर चौथो शक्ति बनेको नेपाली कम्युनिस्ट पार्टीले ८ लाख ४ हजार १७१ मत ल्याएको छ ।

यसपटकको निर्वाचनमा श्रम संस्कृति पार्टी र राप्रपाले पनि थ्रेसहोल्ड कटाएर राष्ट्रिय दलको मान्यता सुरक्षित गरेका छन् । श्रम संस्कृति पार्टीले ३ लाख ७८ हजार ५८७ मत पाउँदा राप्रपाले ३ लाख ७४ हजार ३१४ मत ल्याएको छ । हालसम्म कुल एक करोड सात लाख ३२ हजार ९३२ मत गणना भइसकेको छ ।

यसअघि संसद्मा निर्णायक मानिएका मधेसवादी दलहरू भने यसपल्ट निकै पछि परेका छन् । जनता समाजवादी पार्टी (जसपा) ले १ लाख ७४ हजार ३१४ र जनमत पार्टीले ७८ हजार ९५३ मत मात्र प्राप्त गरेका छन् । जनमतभन्दा अघि रहेको राष्ट्रिय परिवर्तन पार्टीले १ लाख ७१ हजार ४९७ मत ल्याएको छ ।

तराई–मधेसका विभिन्न दलहरूले गठबन्धन गरी ‘चकिया’ चिन्हबाट चुनाव लडे पनि उनीहरूले ६१ हजार ५३३ मत मात्रै बटुल्न सकेका छन् । यस्तै नेपाल मजदुर किसान पार्टीले ४२ हजार २३५, राष्ट्र निर्माण दल नेपालले ३८ हजार ९३१ र राष्ट्रिय जनमोर्चाले २९ हजार ४३६ मत पाएका छन् । नेत्रविक्रम चन्द ‘विप्लव’ नेतृत्वको नेकपा (माओवादी) को पक्षमा २३ हजार ८९१ मत खसेको छ ।

सबै क्षेत्रको गणना सकिएपछि आयोगले दलहरूले पाउने अन्तिम सिट सङ्ख्या घोषणा गर्ने तयारी गरेको छ ।

तपाइको प्रतिक्रिया
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
पटकाको बारुद चुलोमा हाल्दा जलेर सुनसरीका बालक घाइते
अस्पतालको आशामा जग्गा दिए, नबनेपछि मुख्यमन्त्री कार्यालय अगाडि आमरण अनशन
भुटानी शरणार्थी र राजनीतिक बन्दीको विषय उठाउन आग्रह
भन्सार छली सुन लैजान खोज्ने चिनियाँ नागरिक पक्राउ
खराब मौसमले विराटनगरका बिहानका सबै उडान रद्द, सयौँ यात्रु प्रभावित
© 2024 Muluki Khabar. All Rights Reserved. Design & Develop By: Indesign Media Pvt. Ltd.