‘फागुन २१ को निर्वाचन भदौ २३ र २४ को दोस्रो एपिसोड’

Share this
777shares
मुलुकी खबर
मुलुकी खबर
clock२०८२ चैत २, सोमबार १७:२४

काठमाडौं । नेपाली कांग्रेसका नेता एवं पूर्व उपसभापति धनराज गुरुङले फागुन २१ को निर्वाचनलाई भदौ २३ र २४ को घटनाको दोस्रो ‘एपिसोड’ का रूपमा टिप्पणी गरेका छन्। सोमबार फेसबुकमार्फत लामो अभिव्यक्ति सार्वजनिक गर्दै नेता गुरुङले आफूले यो कुरा पहिल्यैदेखि भन्दै आएको दाबी गरे।

‘भदौ २३–२४ को घटनापछिको कांग्रेसको पहिलो कार्यसम्पादन समितिको बैठकमा नै मैले यो पहिलो एपिसोड हो र दोस्रो एपिसोड बाँकी छ भनेको थिएँ,’ गुरुङले भने, ‘जुनसुकै रूपमा दोस्रो एपिसोड आउन सक्छ र त्यसको सामना गर्न तयार रहनुपर्छ भन्ने मेरो धारणा थियो।’

यो कुरा त्यसपछिका प्राय: सबै औपचारिक र अनौपचारिक बैठकमा आफूले दोहोर्‍याइरहेको उनले उल्लेख गरे। ‘तर, यस विषयमा पदाधिकारी, पूर्व पदाधिकारी एवं वरिष्ठतम नेताहरूलाई ज्ञानको अभाव भयो कि ?,’ उनले प्रश्न गरे।

आफूले बारम्बार सचेत गराउँदा पनि कतिपय नेताहरूले बुझ्न नचाहेको र कतिपयको पदको महत्त्वाकाङ्क्षाले थिचिएको मानसपटलले यथार्थ बुझ्न नसकेको उनले बताए। ‘मैले भनेझैँ दोस्रो एपिसोड फागुन २१ निर्वाचनको रूपमा आयो। धेरैलाई यो भदौ २३-२४ को दोस्रो एपिसोड हो भन्ने थाहै भएन,’ नेता गुरुङले भने। थाहा पाउँदासम्म धेरै ढिला भइसकेको उनले बताए।

आफूले ‘चुनाव लडौँ कि कसो गरौँ ?’ भनेर सोध्ने केही नेताहरूलाई नलड्न सुझाव दिएको समेत उनले खुलाए। किनकि यो भदौ २३-२४ को दोस्रो एपिसोड हो भन्ने कुरामा म दुबिधामा थिइनँ, उनले भने। आफूसँग सल्लाह लिएर पनि चुनाव लडेका नेताहरूले हार बेहोर्नुपरेको बताउँदै गुरुङले अब चुकचुकाउनुको कुनै अर्थ नरहेको उल्लेख गरे।

तपाइको प्रतिक्रिया
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
पटकाको बारुद चुलोमा हाल्दा जलेर सुनसरीका बालक घाइते
अस्पतालको आशामा जग्गा दिए, नबनेपछि मुख्यमन्त्री कार्यालय अगाडि आमरण अनशन
भुटानी शरणार्थी र राजनीतिक बन्दीको विषय उठाउन आग्रह
भन्सार छली सुन लैजान खोज्ने चिनियाँ नागरिक पक्राउ
© 2024 Muluki Khabar. All Rights Reserved. Design & Develop By: Indesign Media Pvt. Ltd.