‘घुमौँ झापा साइकलमा’ अभियान १८५ किलोमिटर यात्रापछि सम्पन्न

Share this
720shares
मुलुकी खबर
मुलुकी खबर
clock२०८२ चैत ३, मंगलबार १५:२१

बिर्तामोड । दिगो पर्यटन, स्वस्थ जीवनशैली र सामुदायिक गौरवको अभियानका रूपमा आयोजना गरिएको ‘घुमौँ झापा साइकलमा’ कार्यक्रम सफलतापूर्वक सम्पन्न भएको छ । झापा साइक्लिङ क्लबले फागुन ३० देखि चैत २ गतेसम्म आयोजना गरेको तीन दिने साइकल यात्रा १८५ किलोमिटर पार गरेपछि समापन भएको हो ।

क्लबका अध्यक्ष आकाश श्रेष्ठका अनुसार यात्रीहरूले झापाका मेचीनगर, बुद्धशान्ति, अर्जुनधारा, कनकाई, शिवसताक्षी, गौरीगञ्ज, झापा, बाह्रदशी, कचनकवल, भद्रपुर, हल्दिबारी र बिर्तामोड गरी १२ वटा पालिकाको फन्को लगाएका थिए । कार्यक्रमका सचिव हिमाल खरेलले यात्राले जिल्लाका विभिन्न धार्मिकस्थल, सिमसार र ग्रामीण क्षेत्रलाई समेटेको जानकारी दिए ।

यात्राको पहिलो दिन पर्यटन कार्यालय काँकरभिट्टाबाट सुरु भई ६० किलोमिटर दूरी पार गर्दै दोमुखामा टुङ्गिएको थियो । दोस्रो दिन दोमुखाबाट सुरु भएको ८० किलोमिटरको यात्रा हुलाकी मार्ग हुँदै नेपालकै होचो स्थान कचनकवल पुगेर बनियानीमा समापन भएको थियो । तेस्रो तथा अन्तिम दिन ४५ किलोमिटर यात्रा गर्दै बनियानीबाट बिर्तामोड पुगेर कार्यक्रमको औपचारिक समापन गरिएको थियो ।

कुल ५० जना साइकलयात्री, गाइड र स्वयम्सेवक सहभागी रहेको यस अभियानको मुख्य उद्देश्य झापालाई साइकल पर्यटन गन्तव्यका रूपमा प्रवद्र्धन गर्नु र स्वस्थ जीवनशैलीलाई प्रोत्साहन गर्नु रहेको थियो । पर्यटन कार्यालय काँकरभिट्टा मुख्य प्रवर्तक रहेको यस कार्यक्रमले झापाको प्राकृतिक सौन्दर्य र सांस्कृतिक सम्पदालाई उजागर गरेको आयोजकले जनाएका छन् ।

बिर्तामोडमा आयोजित समापन समारोहमा सहभागी राइडरहरूलाई मेडल प्रदान गरियो । कार्यक्रममा पर्यटन कार्यालयका अधिकृत निरोज कट्टेल, नाट्टा कोशीका महासचिव नविन खरेल लगायतको उपस्थिति रहेको थियो ।

तपाइको प्रतिक्रिया
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
पटकाको बारुद चुलोमा हाल्दा जलेर सुनसरीका बालक घाइते
अस्पतालको आशामा जग्गा दिए, नबनेपछि मुख्यमन्त्री कार्यालय अगाडि आमरण अनशन
भुटानी शरणार्थी र राजनीतिक बन्दीको विषय उठाउन आग्रह
भन्सार छली सुन लैजान खोज्ने चिनियाँ नागरिक पक्राउ
खराब मौसमले विराटनगरका बिहानका सबै उडान रद्द, सयौँ यात्रु प्रभावित
इनम सापकोटा प्रकरणमा सरकारको अनुसन्धानमाथि पोखरेलको प्रश्न
कनकाईमा आगजनीबाट दुई कुन्यूको धान र पराल नष्ट
एकै महिनामा १२ हजारभन्दा बढी चालक कारबाहीमा
© 2024 Muluki Khabar. All Rights Reserved. Design & Develop By: Indesign Media Pvt. Ltd.