यातायात क्षेत्रमा सर्वोच्चको आदेश कार्यान्वयनसम्बन्धी प्रतिवेदन गृहमन्त्रीलाई हस्तान्तरण

Share this
767shares
मुलुकी खबर
मुलुकी खबर
clock२०८२ चैत ३, मंगलबार १५:३०

काठमाडौँ । यातायात क्षेत्रमा सर्वोच्च अदालतले दिएका आदेशहरूको कार्यान्वयन अवस्था र सुधारका उपायसहितको प्रतिवेदन गृहमन्त्री ओमप्रकाश अर्याललाई बुझाइएको छ । जाँचबुझ आयोगले सोमबार मन्त्रालयमा आयोजित एक कार्यक्रमबीच विद्यमान समस्या र भावी कार्ययोजना समेटिएको प्रतिवेदन हस्तान्तरण गरेको हो ।

मन्त्रिपरिषद्को गत मंसिर २२ गतेको निर्णयअनुसार जाँचबुझ आयोग ऐन, २०२६ बमोजिम यो आयोग गठन गरिएको थियो । दीपक सुवेदी अध्यक्ष तथा शरद अधिकारी र योगेन्द्र नाथ कर्माचार्य सदस्य रहेको आयोगले यातायात क्षेत्रको विस्तृत अध्ययन गरी सुझावहरू तयार पारेको हो ।

प्रतिवेदनमा सार्वजनिक सवारी साधनको प्राविधिक गुणस्तर, सञ्चालनका न्यूनतम मापदण्ड, प्रदूषण नियन्त्रण र यातायात क्षेत्रमा व्याप्त सिन्डिकेट तथा कार्टेलिङ जस्ता विकृतिहरू औँल्याइएको छ । आयोगले यातायात व्यवस्थापनमा संलग्न निकायहरूको पारदर्शिता, जवाफदेहिता र सुरक्षाका विषयमा पनि विशेष जोड दिएको छ ।

यसैगरी, दुर्घटनापछिको क्षतिपूर्ति र दायित्व निर्धारणका सम्बन्धमा देखिएका अस्पष्टताहरूलाई चिर्दै प्रतिवेदनले ठोस सुझावहरू प्रस्तुत गरेको छ । भविष्यमा यस्ता समस्या दोहोरिन नदिनका लागि आयोगले कार्यान्वयनयोग्य स्पष्ट कार्ययोजना समेत सरकारलाई बुझाएको छ ।

तपाइको प्रतिक्रिया
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
पटकाको बारुद चुलोमा हाल्दा जलेर सुनसरीका बालक घाइते
अस्पतालको आशामा जग्गा दिए, नबनेपछि मुख्यमन्त्री कार्यालय अगाडि आमरण अनशन
भुटानी शरणार्थी र राजनीतिक बन्दीको विषय उठाउन आग्रह
भन्सार छली सुन लैजान खोज्ने चिनियाँ नागरिक पक्राउ
खराब मौसमले विराटनगरका बिहानका सबै उडान रद्द, सयौँ यात्रु प्रभावित
इनम सापकोटा प्रकरणमा सरकारको अनुसन्धानमाथि पोखरेलको प्रश्न
कनकाईमा आगजनीबाट दुई कुन्यूको धान र पराल नष्ट
एकै महिनामा १२ हजारभन्दा बढी चालक कारबाहीमा
© 2024 Muluki Khabar. All Rights Reserved. Design & Develop By: Indesign Media Pvt. Ltd.