लामिछानेको मुद्दा संशोधनविरुद्धको रिट ‘हेर्दाहेर्दै’ मा, बिहीबार फैसला आउने सम्भावना

Share this
833shares
मुलुकी खबर
मुलुकी खबर
clock२०८२ चैत ३, मंगलबार १७:४७

काठमाडौं । राष्ट्रिय स्वतन्त्र पार्टी (रास्वपा) का सभापति रवि लामिछानेको सम्पत्ति शुद्धीकरण र सङ्गठित अपराधसम्बन्धी अभियोगपत्र संशोधन गर्ने महान्यायाधिवक्ताको निर्णयविरुद्ध परेको रिट ‘हेर्दाहेर्दै’ मा राखिएको छ । सर्वोच्च अदालतका न्यायाधीशद्वय शारंगा सुवेदी र सुनिलकुमार पोखरेलको इजलासमा आइतबारदेखि जारी बहस मंगलबार पनि नसकिएपछि बिहीबारका लागि सारिएको हो ।

एक जना अधिवक्ताको जवाफी बहस बाँकी रहेकाले उक्त रिटलाई बिहीबार सुनुवाइ हुने गरी राखिएको सर्वोच्च अदालतले जनाएको छ । बिहीबार वरिष्ठ अधिवक्ता दिनेश त्रिपाठीले जवाफी बहस गरेपछि यस विषयमा अदालतको फैसला वा आदेश आउने सम्भावना छ ।

मंगलबारको बहसमा लामिछानेका तर्फबाट वरिष्ठ अधिवक्ताहरू सुशील पन्त, रमनकुमार श्रेष्ठ तथा अधिवक्ताहरू दीपेन्द्र झा र नारायणदत्त कँडेल लगायतले प्रतिरक्षा गरेका थिए । लामिछानेका वकिलहरूको बहसपछि वरिष्ठ अधिवक्ता सुरेन्द्र भण्डारी लगायतले जवाफी बहस गर्दै महान्यायाधिवक्ताले आफ्नो कानुनी अधिकारको दुरुपयोग गरी गम्भीर मुद्दा फिर्ता लिन खोजेको तर्क गरे । उनीहरूले अभियोगपत्र संशोधन गर्ने निर्णय बदर गरी रिट जारी हुनुपर्ने माग गरेका छन् ।

महान्यायाधिवक्ता सविता भण्डारीले गत पुस ३० गते लामिछानेलाई सहकारी ठगीमा मात्र मुद्दा चलाउने र सम्पत्ति शुद्धीकरण तथा सङ्गठित अपराधका मुद्दा हटाउन जिल्ला सरकारी वकिल कार्यालयहरूलाई निर्देशन दिएकी थिइन् । सोही निर्देशनका आधारमा कास्की र रुपन्देहीमा निवेदन पेस भए पनि सर्वोच्चमा मुद्दा विचाराधीन रहेकाले सुनुवाइ रोकिएको छ । काठमाडौँ र पर्सामा भने हालसम्म यस्तो निवेदन दिइएको छैन ।

तपाइको प्रतिक्रिया
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
पटकाको बारुद चुलोमा हाल्दा जलेर सुनसरीका बालक घाइते
अस्पतालको आशामा जग्गा दिए, नबनेपछि मुख्यमन्त्री कार्यालय अगाडि आमरण अनशन
भुटानी शरणार्थी र राजनीतिक बन्दीको विषय उठाउन आग्रह
भन्सार छली सुन लैजान खोज्ने चिनियाँ नागरिक पक्राउ
खराब मौसमले विराटनगरका बिहानका सबै उडान रद्द, सयौँ यात्रु प्रभावित
इनम सापकोटा प्रकरणमा सरकारको अनुसन्धानमाथि पोखरेलको प्रश्न
कनकाईमा आगजनीबाट दुई कुन्यूको धान र पराल नष्ट
एकै महिनामा १२ हजारभन्दा बढी चालक कारबाहीमा
© 2024 Muluki Khabar. All Rights Reserved. Design & Develop By: Indesign Media Pvt. Ltd.