झापामा चट्याङबाट आगलागी

Share this
665shares
मुलुकी खबर
मुलुकी खबर
clock२०८२ चैत ७, शनिबार ०९:२०

झापा । झापाको गौरादह नगरपालिका–६ धोपा टोलमा चट्याङ लागेर आगलागी हुँदा करिब दुई लाख ५० हजार रुपैयाँ बराबरको धनमाल नष्ट भएको छ ।

अविरल वर्षासँगै आएको हावाहुरीका क्रममा शुक्रबार राति ११:३० बजेतिर परेको चट्याङले स्थानीय अजयकुमार झाको भान्साघरमा आगलागी भएको हो । प्रहरीका अनुसार टिनको छानो र बाँसले बनेको एकतले भान्साघर तथा त्यससँगै जोडिएको ग्वाली पूर्ण रूपमा जलेर नष्ट भएको छ ।

आगलागीका कारण भान्साघरभित्र रहेको ग्यास सिलिण्डर, करिब ८० किलो चामल, साइकल, विद्युत मिटर, वाइफाइ राउटर, भाडावर्तन, अन्नपात र फर्निचर जलेर नष्ट भएका छन् । साथै, ग्वालीभित्र रहेका ६ वटा बाख्रा (२ माउ र ४ पाठा) समेत जलेर मरेका छन् ।

घटनामा मानवीय क्षति भने नभएको प्रहरीले जनाएको छ । स्थानीय, प्रहरी तथा गौरादह नगरपालिकाको दमकलको सहयोगमा करिब राति १ बजे आगो पूर्ण रूपमा नियन्त्रणमा लिइएको थियो ।

अविरल वर्षा र चट्याङका घटनाहरू बढिरहेका बेला स्थानीयवासीलाई सतर्क रहन र सम्भावित जोखिमबाट जोगिन आवश्यक सावधानी अपनाउन सम्बन्धित निकायले आग्रह गरेका छन् ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.