शंकर–जगदम्बा समूहमा हलचल : बाबु पक्राउ, छोराको राहदानी रोक्का

Share this
752shares
मुलुकी खबर
मुलुकी खबर
clock२०८२ चैत २१, शनिबार ०७:०२
शंकरलाल अग्रवाल र सुलभ अग्रवाल ।

काठमाडौं । अग्रवाल परिवारद्वारा सञ्चालित शंकर–जगदम्बा समूहमा पछिल्लो घटनाक्रमले व्यापक हलचल उत्पन्न गरेको छ ।

शंकर र जगदम्बा ग्रुप व्यवहारमा एउटै नेटवर्कको रूपमा काम गर्ने औद्योगिक घराना हुन् । दुवैको अध्यक्ष शंकर अग्रवाल हुन् । शंकर ग्रुपभित्रको प्रमुख औद्योगिक पहिचान जगदम्बा ग्रुप हो ।

एउटै व्यवसायिक सञ्जालअन्तर्गत सञ्चालनमा रहेका यी समूहका अध्यक्ष शंकरलाल अग्रवाल पक्राउ परेपछि उनका छोरा सुलभ अग्रवालको राहदानी (पासपोर्ट)समेत रोक्का गरिएको छ । सम्पत्ति शुद्धीकरण तथा शंकास्पद आर्थिक कारोबारसम्बन्धी अनुसन्धानका क्रममा अध्यागमन विभागले सुलभले प्रयोग गर्दै आएका दुईवटा राहदानी नियन्त्रणमा लिएको जनाएको छ ।

उनी विदेश फरार हुनसक्ने आशंकाका आधारमा यस्तो निर्णय गरिएको बताइएको छ । स्रोतका अनुसार आवश्यक प्रमाण जुटाएर पक्राउ गर्ने तयारी छ । यसअघि शुक्रबार नेपाल प्रहरीको केन्द्रीय अनुसन्धान ब्यूरो (सीआईबी)ले शंकरलाल अग्रवाललाई नियन्त्रणमा लिएको थियो ।

उनीमाथि अवैध रूपमा आर्जित सम्पत्ति लुकाउने, रूपान्तरण गर्ने र वैध देखाउने प्रयास गरेको आरोपमा अनुसन्धान अघि बढाइएको छ । अनुसन्धान अधिकारीहरूका अनुसार अग्रवाल परिवारसँग सम्बन्धित बैंकिङ कारोबार, लगानीको स्रोत र विभिन्न कम्पनीमार्फत भएको आर्थिक गतिविधिको सूक्ष्म विश्लेषण भइरहेको छ ।

शंकर र जगदम्बा नामले चिनिने यी समूहहरू वस्तुतः एउटै औद्योगिक संरचनाअन्तर्गत सञ्चालनमा रहेका छन् । इस्पात, सिमेन्ट, ऊर्जा लगायतका क्षेत्रमा फैलिएको यस समूहको नेतृत्वमाथि लागेको आरोपले निजी क्षेत्रमा तरंग पैदा गरेको छ ।

ठूला व्यवसायीमाथि लगातार कारबाही हुन थालेपछि आर्थिक पारदर्शिता र जवाफदेहिताको विषय पुनः केन्द्रमा आएको छ । यसअघि बिहीबार मात्रै व्यवसायी दीपक भट्ट पनि पक्राउ परिसकेका छन् ।

तपाइको प्रतिक्रिया
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
विराटनगरमा राति २ बजेसम्म व्यवसाय खोल्न पाइने, अनुमति प्रक्रिया सुरु
भारतीयका परिवार नै मिलेर नेपालमा लागुऔषध ‘सप्लाई’ : मोरङको रंगेलीबाट बुवा, आमा र छोरा पक्राउ
थाइल्यान्डमा एक भवनमा भीषण आगलागी, ११ जनाको मृत्यु
© 2024 Muluki Khabar. All Rights Reserved. Design & Develop By: Indesign Media Pvt. Ltd.