प्रहरीको नाममा भ्रामक सूचना फैलाउने दुई जना नियन्त्रणमा पक्राउ

Share this
698shares
मुलुकी खबर
मुलुकी खबर
clock२०८३ मंसिर १, मंगलबार १६:१०

सर्लाही । पक्राउ नै नपरेका व्यक्तिलाई प्रहरीले पक्राउ गरेको भन्दै फेसबुकमा गलत सूचना प्रकाशन गरेको आरोपमा सर्लाही प्रहरीले दुई जनालाई नियन्त्रणमा लिएको छ ।

जिल्ला प्रहरी कार्यालय सर्लाहीका अनुसार नियन्त्रणमा लिइएकामा कविलासी नगरपालिका–७ का २८ वर्षीय महेश पासवान र बलरा नगरपालिका–८, गडहिया डुमरियाका ३२ वर्षीय आलम बैठा रहेका छन् ।

प्रहरीका अनुसार पासवानले आफ्नो व्यक्तिगत फेसबुक खाताबाट र बैठाले आफूले सञ्चालन गर्दै आएको फेसबुक पेजबाट पक्राउसम्बन्धी गलत सूचना सार्वजनिक गरेका थिए ।

प्रहरीले पक्राउ नगरेका व्यक्तिबारे गलत विवरण सार्वजनिक हुँदा प्रहरीको कामकारबाहीप्रति सर्वसाधारणमा भ्रम र अन्योल सिर्जना भएको प्रारम्भिक अनुसन्धानबाट खुलेको जनाएको छ ।

जिल्ला प्रहरी कार्यालयका प्रहरी नायब उपरीक्षक तथा सूचना अधिकारी वेदप्रसाद गौतमले जारी गरेको विज्ञप्तिमा दुवै जनामाथि थप अनुसन्धान भइरहेको उल्लेख छ ।

यसैबीच प्रहरीले कुनै पनि घटना, पक्राउ, अनुसन्धान तथा कारबाहीसम्बन्धी सूचना फेसबुकलगायत सामाजिक सञ्जालमा प्रकाशन वा सेयर गर्नुअघि सम्बन्धित प्रहरी कार्यालय वा सूचना अधिकारीबाट विवरण पुष्टि गर्न सर्वसाधारणलाई आग्रह गरेको छ ।

तपाइको प्रतिक्रिया
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
विराटनगरमा राति २ बजेसम्म व्यवसाय खोल्न पाइने, अनुमति प्रक्रिया सुरु
भारतीयका परिवार नै मिलेर नेपालमा लागुऔषध ‘सप्लाई’ : मोरङको रंगेलीबाट बुवा, आमा र छोरा पक्राउ
थाइल्यान्डमा एक भवनमा भीषण आगलागी, ११ जनाको मृत्यु
© 2024 Muluki Khabar. All Rights Reserved. Design & Develop By: Indesign Media Pvt. Ltd.