प्रतीकात्मक तस्बिरझापा । झापाको शिवसताक्षी नगरपालिका–७ लालपानीमा बुधबार राति आगलागी हुँदा एउटा खाली घर जलेको छ ।
स्थानीय घनश्याम खतिवडाको टिनको छानो र बाँसको टाटीले बनेको एकतले खाली घरमा आगो लागेको प्रहरीले जनाएको छ । स्थानीय, नेपाल प्रहरी र शिवसताक्षी नगरपालिकाको दमकलको सहयोगमा राति ८ः२० बजेतिर आगो नियन्त्रणमा लिइएको हो ।
आगोले घरसहित घरभित्र रहेका फर्निचर र लत्ताकपडा जलेर पूर्णरूपमा नष्ट भएको छ । प्रहरीका अनुसार घटनामा ५ लाख मूल्य बराबरको क्षति भएको छ ।
आगलागीको कारण प्रष्ट हुन सकेको छैन । विद्युत सर्ट भएर आगलागी भएको हुनसक्ने जनाउँदै प्रहरीले घटनाको थप अनुसन्धान भइरहेको उल्लेख गरेको छ ।
























