भन्टाबारीबाट स्रोत नखुलेको रकमसहित दुई जना पक्राउ, हुण्डी आशंकामा अनुसन्धान हुँदै

Share this
823shares
मुलुकी खबर
मुलुकी खबर
clock२०८२ चैत २७, शुक्रबार १७:१६

इनरुवा । सुनसरीको कोशी गाउँपालिका–८ भन्टाबारीस्थित नेपाल–भारत सीमा क्षेत्रनजिकबाट स्रोत नखुलेको रकमसहित प्रहरीले शुक्रबार दुई जनालाई पक्राउ गरेको छ । पक्राउ पर्नेमा एक जना भारतीय नागरिक छन् ।

इलाका प्रहरी कार्यालय भन्टाबारीबाट खटिएको टोलीले भारतबाट नेपालतर्फ प्रवेश गर्दै गरेको को २१ प १४९५ नम्बरको मोटरसाइकल नियन्त्रणमा लिएर चेकजाँच गरेको थियो । चेकजाँचका क्रममा मोटरसाइकल चालक र पछाडि सवार व्यक्तिको साथबाट नेपाली तथा भारतीय रुपैयाँ बरामद भएको सुनसरी प्रहरीका प्रवक्ता डीएसपी चन्द्रबहादुर खड्काले बताए ।

उनका अनुसार सप्तरीको तिलाठी कोईलाडी गाउँपालिका–५ का ५८ वर्षीय रामलखन यादव र भारतको सुपौल जिल्ला छिटही हनुमाननगर ग्राम पञ्चायत–१५ का ६५ वर्षीय प्रभु मुखियालाई पक्राउ गरिएको छ । मोटरसाइकल चालक यादवको साथबाट नेपाली ५ लाख १ हजार ५०५ र भारतीय ५ हजार ३५० रूपैयाँ बरामद भएको जानकारी खड्काले दिए ।

उनका अनुसार मोटरसाइकलको पछाडि सवार मुखियाको साथबाट नेपाली १ लाख ४७ हजार २०५ र भारतीय ७ हजार ६ सय रूपैयाँ बरामद भएको छ । दुवै जनाको साथबाट नेपाली रुपैयाँ ६ लाख ४८ हजार ७१० र भारतीय रुपैयाँ १२ हजार ९५० बरामद भएको प्रहरीले जनाएको छ ।

बरामद भएको रकमको स्रोत खुलाउन नसकेपछि मोटरसाइकलसहित दुवै जनालाई नियन्त्रणमा लिइएको प्रहरीले जनाएको छ । उक्त रकम अवैध हुण्डी कारोबारसँग सम्बन्धित हुन सक्ने आशंकामा प्रहरीले अनुसन्धान अघि बढाएको छ ।

पक्राउ परेका दुवै जनाविरुद्ध हुण्डी सम्बन्धी कसुरमा मुद्दा चलाउन सुनसरी जिल्ला अदालतबाट ५ दिनको म्याद थप गरेर अनुसन्धानको बाँकी प्रक्रिया अघि बढाइएको प्रहरीले जनाएको छ । प्रहरीका अनुसार सीमा क्षेत्र अवैध रूपमा रकम ओसारपसार गर्ने गतिविधि हुन नदिन सीमा क्षेत्रको सुरक्षा व्यवस्था कडा पारिएको छ ।

तपाइको प्रतिक्रिया
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
विराटनगरमा राति २ बजेसम्म व्यवसाय खोल्न पाइने, अनुमति प्रक्रिया सुरु
भारतीयका परिवार नै मिलेर नेपालमा लागुऔषध ‘सप्लाई’ : मोरङको रंगेलीबाट बुवा, आमा र छोरा पक्राउ
थाइल्यान्डमा एक भवनमा भीषण आगलागी, ११ जनाको मृत्यु
‘साउदीको अमेजनका गोदाममा नेपालीसहितका श्रमिक शोषणमा’
मोरङमा सेप्टिक ट्यांकीभित्र बालकको शव फेला
© 2024 Muluki Khabar. All Rights Reserved. Design & Develop By: Indesign Media Pvt. Ltd.