आक्रमणमा प्रहरी जवानको मृत्यु, चार जना पक्राउ

Share this
716shares
मुलुकी खबर
मुलुकी खबर
clock२०८२ चैत ३०, सोमबार ०८:२३

वीरगन्ज । पर्साको वीरगन्ज महानगरपालिका–९ मा आइतबार अपराह्न भएको हिंसात्मक आक्रमणमा नेपाल प्रहरीका एक जवानको मृत्यु भएको छ ।

पर्साको कालिकामाई गाउँपालिका–१ मुड्ली निवासी २७ वर्षीय विकास चौरसियाको सामूहिक आक्रमणमा परेर ज्यान गएको हो । सप्तरीमा दरबन्दी भएका उनी बिदामा घर गएका बेला घटना भएको प्रहरीले जनाएको छ ।

प्रहरीका अनुसार चौरसियामाथि केही युवकहरूको समूहले लक्षित गरी आक्रमण गरेको थियो । घटनाका क्रममा आक्रमणकारीहरूले धारिलो हतियार प्रयोग गर्दै निर्घात कुटपिट गरेका थिए । गम्भीर घाइते भएका उनलाई स्थानीयले तत्काल उद्धार गरी उपचारका लागि अस्पताल पुर्‍याए पनि चिकित्सकले मृत घोषणा गरिदिएका हुन् ।

पर्सा प्रहरीका प्रवक्ता हरिबहादुर बस्नेतका अनुसार घटनामा संलग्न चार जनालाई घटनास्थलबाटै पक्राउ गरिएको छ । पक्राउ पर्नेमा तीन जना पुरुष र एक जना महिला छन् । उनीहरूलाई प्रारम्भिक अनुसन्धानका लागि हिरासतमा राखिएको छ ।

मृतकको शव पोष्टमार्टमका लागि वीरगन्जस्थित नारायणी अस्पतालमा राखिएको छ । प्रहरीका अनुसार आक्रमणको कारण र संलग्न व्यक्तिहरूबीचको सम्बन्धका बारेमा थप अनुसन्धान भइरहेको छ । प्रहरी जवान चौरसियामाथि आक्रमण गर्नुपर्ने कारण हालसम्म प्रष्ट भइसकेको छैन ।

तपाइको प्रतिक्रिया
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
विराटनगरमा राति २ बजेसम्म व्यवसाय खोल्न पाइने, अनुमति प्रक्रिया सुरु
भारतीयका परिवार नै मिलेर नेपालमा लागुऔषध ‘सप्लाई’ : मोरङको रंगेलीबाट बुवा, आमा र छोरा पक्राउ
थाइल्यान्डमा एक भवनमा भीषण आगलागी, ११ जनाको मृत्यु
‘साउदीको अमेजनका गोदाममा नेपालीसहितका श्रमिक शोषणमा’
मोरङमा सेप्टिक ट्यांकीभित्र बालकको शव फेला
© 2024 Muluki Khabar. All Rights Reserved. Design & Develop By: Indesign Media Pvt. Ltd.