२०८३ वैशाख ८, मंगलबार १५:३६
विराटनगर । मोरङको जहदामा पोखरीमा डुबेर मंगलबार दिउँसो एक जना बालिकाको मृत्यु भएको छ ।
जहदा गाउँपालिका–५ का वसन्तलाल महतोकी छोरी ८ वर्षीया आँचल महतोको मृत्यु भएको प्रहरीले जनाएको छ । प्रहरीका अनुसार खेल्ने क्रममा महतो जहदा–६ का लगनलाल मण्डलको पोखरीमा दिउँसो १ बजेतिर डुबेकी थिइन् ।
पोखरीमा डुबेर अचेत भएको अवस्थामा आफन्तले फेला पारेर उनलाई उद्धार गरी तत्काल उपचारका लागि विराटनगरको कोशी अस्पताल ल्याएका थिए । अस्पताल पुर्याउनसाथ चिकित्सकले मृत घोषित गरिदिएको प्रहरीले जनाएको छ ।
शव कोशी अस्पतालमै छ । इलाका प्रहरी कार्यालय रंगेलीका इन्स्पेक्टर नरेन्द्रकुमार बोगटी नेतृत्वको टोलीले घटनाको अनुसन्धान गरिरहेको छ ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
