२०८३ वैशाख १०, बिहीबार १८:४३
काठमाडौं । वैशाख १७ गतेका लागि आह्वान गरिएको संघीय संसदको बैठक स्थगित गरिएको छ । राष्ट्रपति रामचन्द्र पौडेलले मन्त्रिपरिषद्को सिफारिसमा बैठक स्थगित गर्ने निर्णय गरेका हुन् ।
राष्ट्रपति कार्यालयका प्रवक्ता रितेशकुमार शाक्यका अनुसार बिहीबार बसेको मन्त्रिपरिषद् बैठकले संसद बैठक स्थगित गर्न औपचारिक सिफारिस गरेको थियो । सोही सिफारिसका आधारमा राष्ट्रपतिबाट अधिवेशन स्थगन गरिएको हो ।
यसअघि मन्त्रिपरिषद्कै निर्णयअनुसार संसदको दुवै सदनको अधिवेशन आह्वान गरिएको थियो । सो सिफारिसअनुसार राष्ट्रपतिले बुधबार बैठक बोलाएका थिए ।
तर, पछिल्लो निर्णयसँगै तोकिएको मितिमा बैठक नबस्ने भएको छ । सरकारले बैठक स्थगन गर्नुको कारण भने सार्वजनिक गरिएको छैन ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
