पत्रकार महासंघ मोरङको साधारणसभा जेठ ७ गते

विराटनगर । नेपाल पत्रकार महासंघ मोरङले आफ्नो वार्षिक साधारणसभा आगामी जेठ ७ गते विराटनगरमा आयोजना गर्ने निर्णय गरेको छ ।

महासंघ मोरङ अध्यक्ष सुशीला पाठकको अध्यक्षतामा बिहीबार बसेको कार्यसमितिको ११ औं बैठकले उक्त निर्णय लिएको हो । बैठकले साधारणसभासँगै महासंघका अन्य कार्यक्रमहरू पनि तय गरेको छ ।

Advertisement

महासंघ मोरङको आयोजनामा वैशाख २९ गतेदेखि जेठ १ गतेसम्म तथ्य जाँच (फ्याक्ट चेक) सम्बन्धी आवासीय तालिम सञ्चालन गरिने भएको छ । तालिममा सहभागी हुन इच्छुक पत्रकारहरूले वैशाख २७ गतेभित्रमा नाम दर्ता गरिसक्नुपर्ने व्यवस्था रहेको महासंघ मोरङका सचिव नेत्र पी अधिकारीले बताए ।

त्यसैगरी, नेपाल पत्रकार महासंघको २०८२ सालको सदस्यता नवीकरण बाँकी रहेका सम्पूर्ण साधारण सदस्यहरूलाई साधारणसभा अघि जेठ ६ गतेभित्र अनिवार्य रूपमा सदस्यता नवीकरण गरिसक्न आग्रह गरिएको छ । महासंघले साधारणसभा सफल बनाउन आवश्यक तयारी तीव्र पारेको जानकारी सचिव अधिकारीले दिए ।