२०८३ वैशाख २८, सोमबार १५:०३
काठमाडौं । सभामुख डीपी अर्यालले प्रतिनिधि सभामा सभामुख र उपसभामुखको अनुपस्थितिमा बैठक सञ्चालन गर्ने सदस्यहरू मनोनीत गरेका छन्। आज बसेको प्रतिनिधि सभाको बैठकमा सभामुख अर्यालले ७ सदस्यलाई अध्यक्ष मण्डलमा मनोनीत गरेको जानकारी गराएका हुन्।
मनोनीत हुने सदस्यहरूमा कामिनी कुमारी, गङ्गालक्ष्मी अवाल, ताहिर अलि भाट, पूर्णप्रसाद लिम्बु, बलावती शर्मा, मिङमा ग्याबु शेर्पा र यज्ञबहादुर बोगटी रहेका छन्।
प्रतिनिधिसभा नियमावली अनुसार सभामुख र उपसभामुख दुवै उपस्थित नभएको अवस्थामा बैठकको अध्यक्षता गर्नका लागि प्रत्येक अधिवेशनको सुरुमा यस्तो मनोनयन गर्ने व्यवस्था छ। मनोनयनमा परेका यी सदस्यहरूले सभामुखको निर्देशन बमोजिम पालोअनुसार बैठक सञ्चालन गर्नेछन्।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
