अर्घाखाँचीमा बस दुर्घटना : २४ जना घाइते

Share this
703shares
मुलुकी खबर
मुलुकी खबर
clock२०८३ बैशाख २९, मंगलबार १५:३१

अर्घाखाँची। अर्घाखाँचीमा बस दुर्घटना हुँदा २४ जना घाइते भएका छन् । जसमध्ये दुई जनाको अवस्था गम्भीर रहेको छ ।

पर्वत जिल्लाबाट अर्घाखाँची भ्रमणका लागि आएको ग१ध ५०४ नम्बरको बस फर्कने क्रममा मंगलबार पाणिनी–८ दुर्गाफाँट कुडुलेमा दुर्घटनामा परेको प्रहरीले जनाएको छ । दुर्घटनामा घाइते भएकाहरूको अहिले स्थानीय र प्रहरीले उद्धार गरिरहेका छन् ।

पाणिनी गाउँपालिकाका पूर्वअध्यक्ष अच्युत गौतमले घटनास्थलमा उद्धार कार्य जारी रहेको जानकारी दिए । अर्घाखाँचीका प्रहरी प्रमुख डीएसपी दिवसबहादुर जिसीका अनुसार प्रहरी टोलीले घाइतेहरूलाई उद्धार गरी उपचारका लागि पाल्पा र अर्घाखाँची अस्पताल पठाउने क्रम चलिरहेको छ ।

घटनाको विस्तृत विवरण भने आउन बाँकी रहेको प्रहरीले बताएको छ ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.