२०८३ जेष्ठ ६, बुधबार ११:४०
विराटनगर । विराटनगरको हाटखोलामा बुधबार बिहान महिलाको शव फेला परेको छ ।
विराटनगर महानगरपालिका–७ स्थित हाटखोला बसपार्क पछाडि चउरमा बिहान ८ः४५ बजेतिर शव भेटिएको प्रहरीले जनाएको छ । मृत फेला परेकी अन्दाजी ५० वर्षीया महिलाको पहिचान खुलेको छैन ।
स्थानीयले सुतिरहेको अवस्थामा महिलाको शव देखेर प्रहरीलाई खबर गरेका थिए । घटनाको जानकारी पाउनसाथ वडा प्रहरी कार्यालय हाटखोलाका सई तुलामणि आचार्य नेतृत्वको टोली घटनास्थल पुगेको थियो ।
प्रहरीले कानुनी प्रक्रिया पूरा गरेर शवलाई पोस्टमार्टमका लागि कोशी अस्पताल पठाएको छ । जिल्ला प्रहरी कार्यालय मोरङका इन्स्पेक्टर लेखनाथ दाहाल नेतृत्वको टोलीले घटनाको थप अनुसन्धान गरिरहेको छ ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
