निजी अस्पताललाई बाेर्डकाे अर्काे निर्देशन : सामान्य बिरामीलाई आकस्मिक सेवा दिए भुक्तानी हुँदैन

काठमाडौं । स्वास्थ्य बीमा बोर्डले निजी अस्पताललाई आकस्मिक उपचार गर्नुपर्ने प्रकृतिका बिरामीलाई मात्र स्वास्थ्य बीमाको सुविधा दिन परिपत्र गरेकाे छ । सामान्य विरामीलाई पनि आकस्मिक सेवा दिए स्वास्थ्य बीमा वाफतको भुक्तानी नदिने बोर्डले परिपत्र गरेकाे हाे ।

नेपाल सरकारको स्वास्थ्य बीमा बोर्डले यही जेठ १८ गते सबै निजी सेवा प्रदायक स्वास्थ्य संस्थाहरुको नाममा सूचना जारी गर्दै भनेको छ, ‘सामान्य प्रकृतिका बिरामीलाई आकस्मिक सेवा अन्तर्गत उपचार प्रदान गरी दाबी पेश गरिएमा त्यस्ता दाबीहरुको भुक्तानी नगरिने…।’

Advertisement

कुनै बिरामीको स्वास्थ्य अवस्थामा आकस्मिक उपचार आवश्यक पर्ने प्रकृतिको देखिएमा मात्र आकस्मिक स्वास्थ्य सेवा प्रदान गर्न र त्यस्ता आकस्मिक बिरामीलाई उपचारको क्रममा भर्ना वा शल्यक्रियासमेत आवश्यक पर्ने भएमा उपचार पद्धति अनुसार उपचार गरी डिस्चार्ज गर्न बीमा बोर्डले भनेको छ ।

आम सेवाग्राहीहरुलाई समेत  सूचनाको पूर्ण पालना गर्न भनिएको छ ।