२०८३ जेष्ठ २३, शनिबार १७:४०
विराटनगर । मोरङको सुन्दरहरैँचा नगरपालिका–९ स्थित चाँदनी पेट्रोल पम्पमा रङ लगाउने क्रममा करेन्ट लागेर शनिबार एक किशोर गम्भीर घाइते भएका छन् ।
सुन्दरहरैँचा–११ बेलेपुरका १७ वर्षीय चेतन भारतीलाई शनिबार दिउँसो ३ः३० बजेतिर करेन्ट लागेको प्रहरीले जनाएको छ । प्रहरीका अनुसार काम गरिरहेका बेला अचानक ११ हजार केभी क्षमताको उच्च भोल्टेज विद्युत् लाइन सर्ट भई करेन्ट लागेको प्रारम्भिक अनुसन्धानबाट खुलेको छ ।
करेन्ट लागेर घाइते भएका भारतीको शरीरको केही भाग जलेको र अवस्था गम्भीर रहेको बताइएको छ । उनलाई तत्काल उपचारका लागि मोरङको बुढीगंगास्थित विराट शिक्षण अस्पतालमा भर्ना गरिएको छ ।
आईसीयूमा भर्ना गरिएका उनको उपचारमा रङ लगाउने जिम्मा लिएका ठेकेदार अनितकुमार दनुवार संलग्न छन् । प्रहरीले घटनाको अनुसन्धान गरिरहेको छ ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
