
सुनसरी । सुनसरीको हरिनगर गाउँपालिका–४ स्थित हरिनगरा–देवागन्ज भित्रि सडक खण्डमा मकै लोड गरेको ट्याक्टरबाट लडेर एक जना मजदुरको मृत्यु भएको छ ।
मकै लिएर हरिनगराबाट देवानगन्जतर्फ जाँदै गरेको स १ त ५४८८ नम्बरको ट्याक्टरबाट लाडेर हरिनगर–४ का ४१ वर्षीय विनोद मेहताको मृत्यु भएको प्रहरीले जनाएको छ । ट्याक्टरबाट लडेर घाइते भएका मेहताको घरमा पुर्याउनसाथ मृत्यु भएको जानकारी प्रहरीले शनिबार प्राप्त गरेको हो ।
प्रहरीले ट्याक्टर र चालक हरिनगर–४ का ३२ वर्षीय सूर्यनारायण साहलाई नियन्त्रणमा लिएर घटनाको अनुसन्धान सुरु गरेको छ । ट्याक्टरको तीव्र गतिका कारण दुर्घटना भएको प्रारम्भिक अनुसन्धानबाट खुलेको छ ।

























