२०८३ जेष्ठ ३०, शनिबार ०८:०९
काठमाडौं । नेपाल-भारत सीमापार रेलवे लिंकसम्बन्धी परियोजना निर्देशक समिति र संयुक्त कार्यदलको बैठक सम्पन्न भएको छ । यी बैठकहरू काठमाडौं जेठ २८-२९ सम्म भएका हुन् ।
भारतीय दूतावासका अनुसार सञ्चालनमा रहेका सीमापार रेलवे लिंकहरूको कार्यान्वयन र रेलवे क्षेत्रमा समग्र द्विपक्षीय सहकार्यको समीक्षा गर्न १०औँ परियोजना निर्देशक समिति (पीएससी) र ८ औँ संयुक्त कार्यदल (जेडब्लूजी) को बैठक बसेको हो ।
बैठकमा भारतको अनुदानमा विकास भइरहेका जयनगर-विजलपुरा-बर्दिबास र जोगवनी-विराटनगर ब्रोडगेज रेलवे लाइनहरूको जारी कार्यान्वयनबारे छलफल भएको दूतावासले जारी गरेको विज्ञप्तिमा उल्लेख छ ।
दुवै पक्षले रेलवे क्षेत्रमा सहकार्यलाई थप सुदृढ बनाउन निकट सहकार्य एवम् समन्वयलाई निरन्तरता दिने सहमति जनाएको पनि जनाइएको छ ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
