रास्वपाको महाधिवेशन लम्बिँदा प्रतिनिधिसभा बैठक पुनः स्थगित

काठमाडौं । सत्तारुढ राष्ट्रिय स्वतन्त्र पार्टी (रास्वपा)को जारी महाधिवेशन अझै सम्पन्न हुन नसकेपछि शुक्रबारका लागि बोलाइएको प्रतिनिधिसभाको बैठक फेरि स्थगित गरिएको छ । संसद् बैठक लगातार दोस्रो पटक सूचना टाँसेर सारिएको हो ।

यसअघि बिहीबारका लागि तय गरिएको प्रतिनिधिसभा बैठक रास्वपाको महाधिवेशन जारी रहेकै कारण शुक्रबार दिउँसो १ बजेसम्मका लागि स्थगित गरिएको थियो । तर, शुक्रबार पनि महाधिवेशन नसकिएपछि सभामुख डोलप्रसाद अर्याल (डीप)ले अर्को सूचना जारी गर्दै प्रतिनिधिसभा बैठक शनिबार बिहान ११ बजेसम्मका लागि स्थगित गरेका छन् ।

Advertisement

रास्वपाको महाधिवेशन असार ७ गतेदेखि चितवनको भरतपुरमा जारी छ । नेतृत्व चयनलगायतका प्रक्रियाहरू लम्बिँदा महाधिवेशन निर्धारित समयमै सम्पन्न हुन नसकेको हो । जसको प्रत्यक्ष असर संघीय संसद्को नियमित कार्यसूचीमा समेत परेको छ ।

प्रतिनिधिसभामा रास्वपाका २१ जना सांसद रहेका छन् । महाधिवेशनमा उनीहरूको सहभागिता आवश्यक रहेकाले संसद् बैठक सञ्चालन गर्न कठिनाइ भएको जनाउँदै बैठक सारिएको हो ।

यससँगै प्रतिनिधिसभा बैठक शनिबार बिहान ११ बजे बस्ने गरी तय गरिएको छ । महाधिवेशनको प्रक्रिया त्यसअघि सम्पन्न भएमा मात्रै संसद्को नियमित कार्यसूची अघि बढ्ने अपेक्षा गरिएको छ ।