विष्णु पौडेललाई थुनामुक्त गर्न माग गरिएको निवेदनमाथि आज सर्वोच्चमा सुनुवाइ

काठमाडौं । नेकपा एमालेका नेता एवं पूर्वअर्थमन्त्री विष्णु पौडेललाई गैरकानुनी रूपमा थुनामा राखिएको दाबीसहित दायर गरिएको बन्दी प्रत्यक्षीकरणकाे निवेदनमाथि आज (मंगलबार) सर्वोच्च अदालतमा सुनुवाइ हुँदै छ । सर्वोच्च अदालतका न्यायाधीशद्वय टेकप्रसाद ढुंगाना र मेघराज पोखरेलको संयुक्त इजलासमा उक्त रिटमाथि सुनुवाइ हुने तय भएको छ ।

पदमा रहँदा गैरकानुनी रूपमा लाभ लिएको र अपराधबाट सम्पत्ति आर्जन गरेको (सम्पत्ति शुद्धीकरण) अभियोगमा अनुसन्धानका लागि भन्दै सम्पत्ति शुद्धीकरण अनुसन्धान विभागले पौडेललाई गत साता पक्राउ गरेको थियो । विशेष अदालतले उनलाई हिरासतमा राखेर अनुसन्धान अघि बढाउन अनुमति दिएपछि, उक्त कार्य गैरकानुनी रहेको जिकिर गर्दै सर्वोच्चमा बन्दी प्रत्यक्षीकरणको निवेदन दर्ता गरिएको थियो ।

Advertisement

पौडेलमाथि सार्वजनिक पदको दुरुपयोग गरी अवैध रूपमा धन आर्जन गरेको गम्भीर आरोप लागेको छ। आजको सुनुवाइले उनलाई थुनामै राखेर अनुसन्धान गर्ने वा रिहा गर्ने भन्ने विषयमा महत्वपूर्ण निर्णय लिन सक्नेछ।