उदयपुरमा ट्रक र मोटरसाइकल ठोक्किएर दुर्घटना, महिलाको मृत्यु

Share this
642shares
मुलुकी खबर
मुलुकी खबर
clock२०८३ असार १९, शुक्रबार ०७:५०

उदयपुर । उदयपुरमा ट्रक र मोटरसाइकल ठोक्किएर दुर्घटना हुँदा एक जना महिलाको मृत्यु भएको छ । मदन भण्डारी राजमार्गअन्तर्गत उदयपुरगढी गाउँपालिका–७ फुस्रेमा बिहीबार दिउँसो २ः४५ बजेतिर दुर्घटना भएको प्रहरीले जनाएको छ ।

प्रहरीका अनुसार गाईघाटबाट कटारीतर्फ जाँदै गरेको स ५ प ४९ नम्बरको मोटरसाइकल र विपरीत दिशाबाट आउँदै गरेको ना ५ ख २८४२ नम्बरको ट्रक एकआपसमा ठोक्किएर दुर्घटना भएको हो । दुर्घटनामा परेर मोटरसाइकलको पछाडि सवार उदयपुरगढी–३ बर्रेकी २८ वर्षीया यमुना विकको मृत्यु भएको छ ।

गम्भीर घाइते भएकी उनलाई उद्धार गरेर उपचारका लागि जिल्ला अस्पताल गाईघाट पुर्याउनसाथ चिकित्सकले मृत घोषणा गरिदिएको प्रहरीले जनाएको छ । दुर्घटनामा परेर मोटरसाइकल चालक यमुनाका पति २८ वर्षीय यमबहादुर विक सामान्य घाइते भएका छन् । उनको उपचार जारी छ ।

दुर्घटनालगत्तै प्रहरीले ट्रक र चालक सप्तरीको सुरुंगा नगरपालिका–१ का ४४ वर्षीय एकबहादुर खड्कालाई नियन्त्रणमा लिएर घटनाको अनुसन्धान सुरु गरेको छ । दुवै सवारीसाधनको तीव्र गतिका कारण दुर्घटना भएको प्रारम्भिक अनुसन्धानबाट खुलेको छ ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.