२०८३ असार २३, मंगलबार ११:०७
विराटनगर । ‘जेनजी’ आन्दोलनका क्रममा गत भदौ २४ गते आगजनी भएकाे विराटनगरस्थित भाटभटेनी सुपरमार्केट आगामी असार २७ गते शनिबारदेखि पुनः सञ्चालनमा आउने भएको छ ।
करिब १० महिनाको पुनर्निर्माणपछि स्टोर सञ्चालनमा आउन लागेकाे हाे । पुनः सञ्चालनको पूर्वसन्ध्यामा सोमबार स्टोरमा विशेष पूजासमेत गरिएको थियाे । साेमबार नै भाटभटेनीकी निर्देशक सावित्री घले गुरुङले पुनर्निर्माणमा अहोरात्र खटिएका करिब ३०० मजदुरलाई नगदसहित सम्मान गरेकी थिइन् ।
जेनजी आन्दोलनका क्रममा भाटभटेनीका देशभर रहेका २८ मध्ये १२ शाखा जलेर नष्ट भएका थिए, जसमध्ये विराटनगर पुनः सञ्चालनमा आउन लागेको आठौँ स्टोर हो ।
१० महिनाअघि भएकाे आगजनीबाट भाटभटेनीले करिब १० अर्ब ८५ करोड रुपैयाँको क्षति बेहोरेको थियो । हाल अत्याधुनिक सुरक्षा मापदण्ड र नयाँ डिजाइनसहित स्टोरलाई पुनर्निर्माण गरिएको छ । विराटनगरपछि झापाको बिर्तामोड र धरानकाे शाखा पनि छिट्टै सञ्चालनमा ल्याउने तयारी छ ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
