वडा सदस्यले शिक्षा अधिकृतमाथि खन्याए माेबिल

काठमाडौं । दाङमा वडा सदस्यले शिक्षा अधिकृतमाथि माेबिल प्रहार गरेका छन् । घोराही उपमहानगर शिक्षा महाशाखाका शिक्षा अधिकृत अजय बोहोरामाथि घोराही–१५ का वडा सदस्य लेखनाथ बुढाथोकी (उत्तम)ले मोबिल प्रहार गरेका हुन् ।

पद्मोदय पब्लिक स्कुलको विद्यालय व्यवस्थापन समितिको निर्वाचन नियम विपरीत गराएको भन्दै बुढाथोकीले बोहोराको शरीरमा मोबिल खन्याइदिएकाे बताइएकाे छ ।

माेबिल खन्याएकाे भिडियो बुढाथोकी आफैं सामाजिक सन्जालमा पोष्ट गरेका छन् । भिडियोमा मोटरसाइकलमा सवार बोहोरालाई हेलमेट माथिबाटै मोबिल खन्याएको देखिन्छ ।