तीन मिडिया हाउस अगाडि शंकास्पद अवस्थामा राखियाे गाडी

काठमाडाैं । कान्तिपुर पब्लिकेशन, अनलाइनखबर लगायत मिडिया हाउस अगाडि शंकास्पद अवस्थामा गाडी पार्किङ गरिएको छ । कार्यालयहरुकाे प्रवेशद्वारमा अवरोध पुग्ने गरी गेटमा गाडी पार्किङ गरिएको हो ।

कान्तिपुरको तीनकुनेस्थित कार्यालयको गेटमा पार्क गरिएको गाडीका कारण पत्रकारहरूलाई सवारीसहित आवतजावत गर्न बाधा पुगेको छ ।

अनलाइनखबरको नयाँबानेश्वरस्थित अफिसको गेट अगाडि पनि गाडी रोकिएको छ । झन्डै गेटको आधा भागसम्म गाडीले ढाकेको छ । हिमालय टेलिभिजनको गेट अगाडि पनि गाडी रोकिएको छ ।

तीन वटै गाडी निजी नम्बर प्लेटका छन्। गाडी कसले र किन छाडेर गएको हो भन्ने खुलिसकेको छैन।

जिल्ला प्रहरी परिसर काठमाडौंका एसपी पवनकुमार भट्टराईले जानकारी पाएपछि प्रहरी पठाइसकेको बताए । उनले प्रहरीले अनुसन्धान सुरु गरेकाे बताए ।