२०८३ श्रावण ४, सोमबार ०९:३५
विराटनगर । पहिचान नखुलेको सावरीसाधनको ठक्करबाट मोरङको कानेपोखरीमा आइतबार राति एक जनाको मृत्यु भएको छ ।
पूर्व–पश्चिम राजमार्गअन्तर्गत कानेपोखरी गाउँपालिका–७ मा राति ११ः५० बजेतिर दुर्घटना भएको हो । नम्बर नखुलेको सवारीसाधनले ठक्कर दिँदा पैदलयात्री पथरीशनिश्चरे नगरपालिका–१० त्रिवेणी चोकका ६० वर्षीय गोविन्द लिम्बूको मृत्यु भएको मोरङ ट्राफिक प्रहरी प्रमुख इन्स्पेक्टर सन्तोष न्यौपानेले बताए ।
उनका अनुसार दुर्घटनामा परेर गम्भीर घाइते भएका लिम्बूलाई उपचारका लागि उर्लाबारीस्थित अरनिको अस्पताल पुर्याउनसाथ चिकित्सकले मृत घोषणा गरिदिएका हुन् । प्रहरीले ठक्कर दिने सवारीसाधनको खोजी तीव्र पारेर घटनाको अनुसन्धान अघि बढाएको छ ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
×