कांग्रेस सभापति थापाको भारत भ्रमण रद्द

काठमाडौं । नेपाली कांग्रेसका सभापति गगन थापाले अन्तिम समयमा आफ्नो भारत भ्रमण स्थगित गरेका छन् । पार्टीको जनसम्पर्क समिति भारतको महाधिवेशनमा प्रमुख अतिथिका रूपमा जाने तय भए पनि भारतमा जारी आन्दोलनका कारण उनले भ्रमण रद्द गरेका हुन् ।

कांग्रेस सहमहामन्त्री योगेन्द्र चौधरीका अनुसार भारतमा चर्किएको आन्दोलनकै कारण सभापति थापाको भ्रमण अन्तिम समयमा स्थगित भएको हो ।

Advertisement

भारतको महाराष्ट्रस्थित लोकमान्य तिलक सभागृहमा नेपाली जनसम्पर्क समितिको १०औँ महाधिवेशनमा सहभागी हुन थापा शनिबार त्यसतर्फ जाने कार्यक्रम थियो ।

भारतमा सिजेपीले राष्ट्रिय योग्यता परीक्षा (नीट) को प्रश्नपत्र लिक भएको विरोधमा गत सोमबारदेखि आन्दोलन चर्काउँदै आएको छ । उक्त आन्दोलन तीव्र बनेपछि भारतका केन्द्रीय शिक्षामन्त्री धर्मेन्द्र प्रधानले समेत शनिबार पदबाट राजीनामा दिएका छन् ।