२०८३ श्रावण १२, मंगलबार १७:०८
काठमाडौं । सरकारले सडकमा सञ्चालनमा रहेका सवारीसाधनबाट हुने वायु प्रदूषण नियन्त्रण गर्न नयाँ प्रदूषण मापदण्ड स्वीकृत गरेको छ। कृषि, वन तथा वातावरण मन्त्रालयले वातावरण संरक्षण ऐन, २०७६ को दफा १५ को उपदफा (१) ले दिएको अधिकार प्रयोग गरी ‘प्रयोगमा रहेका सवारी साधनबाट उत्सर्जन हुने प्रदूषणको सीमा सम्बन्धी मापदण्ड, २०८३’ लागू गर्ने निर्णय गरेको हो।
नेपाल राजपत्रमा सूचना प्रकाशित भएको ९१औँ दिनदेखि पूर्ण रूपमा लागू हुने यो मापदण्डले पुराना र नयाँ सवारीसाधनका लागि छुट्टाछुट्टै उत्सर्जन सीमा तोकेको छ।
नयाँ व्यवस्था अनुसार पेट्रोल तथा ग्यासबाट चल्ने सवारीसाधनका लागि यो मापदण्ड देशभर लागू हुनेछ। डिजेलबाट चल्ने सवारीसाधनका हकमा भने काठमाडौँ उपत्यकासहित देशका सबै महानगरपालिका र उपमहानगरपालिकाहरूमा अनिवार्य गरिएको छ।
निर्माण कार्यमा प्रयोग हुने हेभी उपकरणहरू जस्तै ट्र्याक्टर, पावर टिलर, डोजर, क्रेन, रोलर र एक्स्क्याभेटरका लागि भने यो मापदण्ड लागू हुने छैन। साथै, रक्षा मन्त्रालयको सिफारिसमा आयात गरिएका सैनिक प्रयोजनका विशेष सवारीसाधनहरूलाई पनि नयाँ व्यवस्थाबाट छुट दिइएको छ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
×