प्रधानमन्त्री बालेनलाई भारत भ्रमणको निम्तो दिइसकिएको छः भारतीय विदेश मन्त्रालय

Share this
648shares
मुलुकी खबर
मुलुकी खबर
clock२०८३ साउन १२, मंगलबार १८:३४

काठमाडौं। भारतीय विदेश मन्त्रालयका प्रवक्ता रणधीर जैसवालले नेपालका प्रधानमन्त्री बालेन्द्र शाह (बालेन) लाई भारत भ्रमणको निम्तो दिइसकेको बताएका छन्। विदेश मन्त्रालयको नियमित पत्रकार सम्मेलनमा उनले उक्त जानकारी दिएका हुन्।

भ्रमण कहिले हुने र कहिलेका लागि निम्तो दिइएको भन्ने विषयमा भने उनले केही खुलाएका छैनन्। पत्रकारले हालै नेपाली अधिकारीले भारत भ्रमण गरेको र त्यो प्रधानमन्त्री बालेन्द्र शाहको भ्रमणको तयारीका सन्दर्भमा रहेको भन्दै प्रश्न गरेका थिए।

पत्रकारको प्रश्नको जवाफ दिँदै प्रवक्ता जैसवालले भने, ‘पहिलो प्रश्नका बारेमा म जानकार छैन। नेपालका प्रधानमन्त्रीको भ्रमणका बारेमा निमन्त्रणा गइसकेको छ।’

प्रधानमन्त्री शाहका प्रमुख राजनीतिक सल्लाहकार कुमार बेनले केही साताअघि भारत भ्रमण गरी भारतीय सुरक्षा सल्लाहकार अजित डोभालसँग भेट गरेको खबर आएको थियो। सोही प्रसङ्गबारे सोधिएको प्रश्नमा प्रवक्ता जैसवालले आफूलाई जानकारी नरहेको बताएका थिए।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.