२०८३ श्रावण १२, मंगलबार १९:११
सुर्खेत । कर्णाली प्रदेशको मुख्यमन्त्रीमा नेकपा संसदीय दलका नेता मङ्गलबहादुर शाही नियुक्त भएका छन्। प्रदेश प्रमुख यज्ञराज जोशीले उनलाई मङ्गलवार बेलुका मुख्यमन्त्रीमा नियुक्त गरेका हुन्।
उनलाई नेपालको संविधानको धारा १६८ को उपधारा (२) बमोजिम कर्णाली प्रदेशको मुख्यमन्त्री पदमा नियुक्त गरिएको हो।
शाहीले सत्ता गठबन्धनमा रहेका नेकपा एमालेका ९ र नेपाली कम्युनिस्ट पार्टी (नेकपा) का १४ गरी २३ प्रदेशसभा सदस्यको हस्ताक्षरसहित दाबी पेस गरेका थिए। ४० सदस्यीय कर्णाली प्रदेशसभामा सरकार गठनका लागि २१ सांसदको समर्थन आवश्यक पर्छ।
यसअघि एमालेबाट मुख्यमन्त्री बनेका यामलाल कँडेलले गत शनिबार राजीनामा दिएपछि नयाँ सरकार गठनको प्रक्रिया अघि बढेको थियो। ४० सदस्यीय प्रदेशसभामा नेपाली कांग्रेसका १५, नेकपाका १३, सभामुखसहित एमालेका १०, राप्रपाका १ र स्वतन्त्र १ जना सदस्य छन्।
शाही मुगु प्रदेशसभा (२) बाट तत्कालीन नेकपा माओवादी केन्द्रबाट निर्वाचित भएका हुन्। यसअघि उनले कर्णाली सरकारको भौतिक पूर्वाधार तथा सहकारी विकास मन्त्रीका रूपमा काम गरिसकेका छन्।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
×