२०८३ श्रावण १३, बुधबार ०६:२६
काठमाडौं । सरकारले सुनसरीको देवानगन्ज गाउँपालिका–३ कप्तानगन्जमा भएको घटनाप्रति गम्भीर ध्यानाकर्षण जनाउँदै सामाजिक तथा धार्मिक सद्भाव कायम राख्न सबै पक्षसँग अपिल गरेको छ ।
प्रधानमन्त्री तथा मन्त्रिपरिषद् कार्यालयले मंगलबार विज्ञप्ति जारी गर्दै हिंसा, उत्तेजना र भ्रामक सूचनाको प्रभावमा नपर्न तथा सामाजिक एकता कायम राख्न राजनीतिक दल, नागरिक समाज, धार्मिक संघसंस्था, सञ्चारमाध्यम र सर्वसाधारणलाई आग्रह गरेको हो । सरकारले घटनामा ज्यान गुमाएकाप्रति श्रद्धाञ्जली व्यक्त गर्दै घाइते तथा घाइते सुरक्षाकर्मीको शीघ्र स्वास्थ्य लाभको कामना गरेको छ ।
सरकारले घाइतेहरूको निःशुल्क उपचारको व्यवस्था गरिएको जनाएको छ । साथै, घटनाको सत्यतथ्य छानबिन गरी भविष्यमा यस्ता घटना दोहोरिन नदिन आवश्यक सुझावसहित सात दिनभित्र प्रतिवेदन पेस गर्ने कार्यादेशसहित गृह मन्त्रालयले छानबिन समिति गठन गरेको जनाएको छ ।
सरकारले पीडित पक्षलाई उचित क्षतिपूर्ति उपलब्ध गराउने तथा घटनामा संलग्न दोषीमाथि कानुनबमोजिम कडा कारबाही गरिने प्रतिबद्धतासमेत व्यक्त गरेको छ ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
×