२०८३ श्रावण १४, बिहीबार १९:०२
विराटनगर । गृहमन्त्री सुधन गुरुङ अहिले साँझ विराटनगर आइपुगेका छन् । बुद्ध एयरको जहाजमार्फत विराटनगर विमानस्थलमा ओर्लिएका उनी सिधै सुनसरीको देवानगन्ज गाउँपालिका–३ कप्तानगन्जतर्फ जानेछन् ।
गृहमन्त्री आएसँगै मोरङ र सुनसरीको सुरक्षा व्यवस्था कडा पारिएको छ । कप्तानगन्जमा पुगेर उनले गोलीकाण्ड भएको घटनास्थलको स्थलगत अनुगमन गर्ने छन् । गृहमन्त्रीले सुनसरी भ्रमणका क्रममा घटनास्थलको वस्तुस्थिति बुझ्ने, सुरक्षा निकायका अधिकारीसँग छलफल गर्ने तथा पछिल्लो अवस्थाका बारेमा जानकारी लिने बताइन्छ ।
गृहमन्त्री गुरुङले घटनामा ज्यान गुमाएका दुवै व्यक्तिको परिवारलाई पनि भेट्ने बताइएको छ । गत आइतबार राति सुनसरीको देवानगन्ज गाउँपालिका–३ कप्तानगन्जमा सशस्त्र प्रहरीको गोली लागेर युवकको मृत्यु भएपछि अवस्था तनावग्रस्त बन्दै गएको छ ।
मृत्यु हुनेको संख्या बिहीबारसम्म दुई पुगिसकेको छ । उक्त घटनाको विरोधमा उत्रिएका समूहमाथि गोली चलाउँदा सिराहमा पनि बिहीबार एक किशोरको मृत्यु भएको छ ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी