सिरहाको गोलबजारमा प्रदर्शन रोकिएन, कर्फ्युबीच सेना परिचालन

सिरहा। सिरहाको गोलबजारमा बिहीबार बिहानैदेखि दुई समूहबीच सुरु भएको झडप थप उग्र बनेको छ। स्थिति नियन्त्रणबाहिर जान थालेपछि स्थानीय प्रशासनले दिउँसोदेखि नै कर्फ्यु आदेश जारी गरेको छ।

अहिले गोलबजारको स्थिति नियन्त्रणमा लिन नेपाली सेनासहितको भारी सुरक्षा टोली सडकमा ओर्लिएको छ।

Advertisement

प्रदर्शनका क्रममा एक जनाको मृत्यु भएपछि अवस्था झनै तनावग्रस्त बनेको छ। भिडलाई नियन्त्रणमा लिन प्रहरीले केही सेल अश्रुग्यास समेत प्रहार गरेको थियो। तर, कर्फ्यु र बाक्लो सुरक्षा उपस्थितिका बाबजुद ठाउँ-ठाउँमा आगजनी र प्रदर्शनको क्रम भने रोकिएको छैन।