२०८३ श्रावण १५, शुक्रबार ११:२५
काठमाडौं। धनुषाको सबैला नगरपालिका–१२ स्थित मन्दिर परिसरमा मृत भेटिएका पुरुषको घटनालाई धार्मिक विवादसँग नजोड्न प्रहरीले आग्रह गरेको छ । बिहीबार राति ४० वर्षीय बन्ठु राउत कडेरी हनुमान मन्दिर परिसरमा मृत भेटिएका थिए । सुतेको अवस्थामा मृत भेटिएका उनको शरीरमा चोट लागेको छ ।
धनुषाको हंसपुर नगरपालिका–३ मल्हेनीया घर भएका बन्ठु राउत कडेरीको घटना विशुद्ध आपराधिक व्यक्तिहरूबाट भएको देखिएको जिल्ला प्रहरी कार्यालय धनुषाका डीएसपी मधुसुदन न्यौपानेले बताए । विज्ञप्ति जारी गर्दै डीएसपी न्यौपानेले घटनालाई धार्मिक विवादसँग नजोडी शान्ति कायम राख्नेतर्फ सहयोग गर्न अपिल गरेका छन् ।
कडेरी सो क्षेत्रमा घुमी हिँड्ने व्यक्ति भएको खुलेको छ । तालिमप्राप्त कुकुर परिचालन गरेर प्रहरीले घटनाको अनुसन्धान गरिरहेको छ । उनको शव पोस्टमार्टमका लागि जनकपुरस्थित प्रादेशिक अस्पतालमा पठाइएको छ ।
यस्तो छ प्रहरीको विज्ञप्ति
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
×